Read Kambera PAMALANGUNGU 60 Bible Online

PAMALANGUNGU 60 - Kambera bible

PAMALANGUNGU 60

¹Nduma ma-kapipi tau maludu. Pa-namatungu la wiliku: Wàla mangàta ma-hakahii. Pamalangungu lii panaungu-na i Ndautu,

²ba nabera tau Aràmu-Mahupatamia dàngu tau Aràmu-Homba, dàngu ba nabeli i Yuàpu ba nahàla pa-pakàku-ha da 12.000 tau Endumu la Lola Mbàru.

³Mu-tulaku-kama nyuma,[31] ou Ala, hiu màta-nggama ka pakàku-kama. Muhàngga-nggama nyuma; ba tuna pajia beli-kamawa nàhu.

⁴Nyumu mayoya-nya na tana hi naràta; pahàmu-hawa da mambe - mbera ba na-yoyangu na tana.

⁵Umàtanya na banjaru-mu pa-mayila dira matiki; mambe - mbebatu hama tuna tau maüku.

⁶Da tau karadaku utiwalu-nja wiri, ka peku marada welingu la hukungu.

⁷Pamara-kamawa wàngu kodi màkamu, hema-yawa na hamayangu-ma, ka pamara-ha da tau pambuha-mu.

⁸Welingu la pangia matua-na napanii i Ala, “kupaya-aungu wàngguka dàngu ka paberi-nya na tana Hikimu; na Lolangu Hukutu napa kutunya undi.

⁹Na Nggiliatu dàngu na Manahi mangu-nggunya, na Epuraïmu tubuku waja-nggunya, dàngu na Yahunda tokungu pareta-nggunya.

¹⁰Tàka na Muapu ngia pabaha wihi-nggunya; ku-paoingu ba taluya na Pilitia. La Endumu ku-patàda-nja da halapa-nggu ka tandaya ba mangu-nggunya,” wàna.

¹¹Nggamu-aka ma-karia-ngga la Endumu? Nggamu-aka ma-kapipi-ka la paraingu maningu ngia pa-torungu-na nu?

¹²Ou Ala, deningu-na ba ndau karia-nggama? Ndau ndàharu karia-anja da tanatara-ma?

¹³Ndula-kama ba hangga-nya na papama, nadu ba kahewa-maana na pa-ndulangu tau pinu tana.

¹⁴Ba na-karia-nda i Ala, kanjupu kaborangu-ta, Nyuna-maka ma-pakàku-ya na muhunda.