Read Kambera PAMALANGUNGU 61 Bible Online

PAMALANGUNGU 61 - Kambera bible

PAMALANGUNGU 61

¹Nduma ma-kapipi tau maludu. Ba wàngu pajungga-nya. Palawiti na i Ndautu.

²Tingiya na waranggu, ou Ala, tanaü-ya na hamayangu-nggu.

³La mamarau welingu la umanggu, kuwara-nggau Nyumu, rukuna ba kumbota monungu. Napa ulua patuka la ngia pa-hinggilu ma-mambiru, pa-ngiangu ma-kanjupu janggaya duku;

⁴ba Nyumudu ma-hanggubu-ngga, ngia pa-torungu kapingatu hanggangu la muhu.

⁵Màta ka-kungiangu la maümu la ngala luringgu, ka ku-mambiru la lumbu ruu kàpamu.

⁶Ba mbàda rongu-munyaka na panjanji-nggu, ou Ala, tàka hiu wuangga mangunggu, kangeha tau karadaku.

⁷Màla àruki ka na malai lurina na hanganji, hi na luri lundu ana umbuku-na.

⁸Màla àruki ka na-pareta lundu nu - nu ba hanganji paleha-munya, ou Ala, opa-nyawa wàngu mbuhangu dàngu wàngu tuturu-mu.

⁹Nyungga duku, ka kuludu wotu mànunya wànggunggau, dàngu pahàra-manggunja nimbihu lodu da panjanji-nggu.