Read Kambera PAMALANGUNGU 63 Bible Online

PAMALANGUNGU 63 - Kambera bible

PAMALANGUNGU 63

¹Pamalangungu-na i Ndautu, ba la maràda telangu Yahunda-ya.

²Ou Ala, jiakau Nyumu Alanggu, kuhimbu dàngu kurinju-nggau Nyumu. Hama tana kariku ma-kandàngangu wai, tuna numbu ba ku-kandànga-nggau Nyumu.

³Màtawa ka ku-tàngaru-kau la Umamu, dàngu paita-ya na àtalu-mu dàngu na bokulu-mu.

⁴Na pa-namungu-mu narihi pa-wilingu welingu la luri, jia-duyaka hi kuwotu-nggau Nyumu.

⁵La ngala luringgu ku-pamalangu-nggau Nyumu; ku-jakarungu limanggu ba ku hamaya-nggau Nyumu.

⁶Kuwotu-nggau Nyumu wàngu kayaka mbaha eti, bau pahoda-ya na ndewanggu la pangangu ma-màtaku.

⁷Ba ku-tanggilungu la pangia-nggu, ku-pangàda-nggau Nyumu; ku-panjàpu-ya na rudungu ba ku-kanandi-nggau Nyumu,

⁸ba Nyumudu mambàda ndulaka; la lumbu ruu kàpamu kuludu mbaha eti.

⁹Kuyàpa pa-màndungu lai Nyumu, na limamu na majura-ka.

¹⁰Tàka da tau ka pameti-ya da mawàda-ngga napa dapuru-ha la pangia tau meti.

¹¹Nyuda dameti la pa-hànjalungu, hi pangaa mabohu-haka.

¹²Na hanganji napa na-hanggela hawola rukuna ba natula-ya paraïna i Ala; na tau na mahara wànya i Ala napa da-hayidi, tàka da ngaru tau kambàliku pa-hulungu-ha.