Read Kambera PAMALANGUNGU 64 Bible Online

PAMALANGUNGU 64 - Kambera bible

PAMALANGUNGU 64

¹Nduma ma-kapipi tau maludu. Pamalangungu-na i Ndautu.

²Ou Ala, tingiya na hamayangu-nggu la rehi handuka, pamara-ya na luringgu welingu la muhu na pa-mangàdatungu.

³Opangga welingu la pa-hamangu tau katadaku, welingu la wulu aka akatu-da da tau akatu.

⁴Da-pelitu làmada hama dàka hapanda, da-libungu kareuku mbana eti hama tuna pana.

⁵Welingu la ngia pa-kawiningu-da da-pakadangu pulu kambàliku, nda ana hakudu mangàdatu-da ba dapawau-ya na tau manda njala.

⁶Dakata undunya na pawuku akatu-da, da-pahamangu pa-batangu oka kahili; nda ningua maita-ya wàda la etida.

⁷Da-unangu pawunda ma-akatu, hi dapanii, “Lànyapu-mana-nyaka na pauna-ma,” wàda. Na eti dàngu na kanandingu tau, lalu tanjiku-na la pa-hukutu-ya.

⁸Tàka i Ala na-pahàla-ya na panana lai nyuda, hi jia manua biada.

⁹Da-tàlaru-ha ruku kareuku wikida; mbutada da maita-ya da-pimbilungu katiku-da.

¹⁰Hi na-mangàdatu ndàba na tau; da-kanandi-nya na pawunda-na i Ala dàngu hi da-bobaru-ya nggàraya na pambàda wundana.

¹¹Mbuu ndàba na tau hàmu napa da-hanggela hawola rukuna na paràma-na i MIRI. Nyuda da-handera lai Nyuna; mbuu ndàba na tau patutungu napa da-hayidi.