Read Kambera PAMALANGUNGU 69 Bible Online

PAMALANGUNGU 69 - Kambera bible

PAMALANGUNGU 69

¹Nduma ma-kapipi tau maludu. Pa-namatungu la wiliku: Wàla mangàta. Palawiti-na i Ndautu.

²Ou Ala, pahàla àru-kika, hupu nggoru-nggunyaka na wai.

³Ku-hanjubulu la ma-kanggauhaku manjolungu, nda ningu-a ngia pa-tunggulu. Ku-mumuhu la wai manjolungu, na-pamili-ka ngalingu wai hei.

⁴Kuwara lundu njilinggu dàngu na màdu na kalàmba nggorunggu. Da-malara da matanggu ba kunedi-nya nandula-nangga Alanggu.

⁵Na tau ma-karaü-ngga eti dàngu nda palatangu, narihi dangu welingu la lunggi la katiku-nggu. Da tau maparii ka patalàru-ya wàdangga; da-hànjalu-ka wàngu pawau-dangga. Da-dàhiku-ka pa-pabelingu malanja panda rambanggu.

⁶Ou Ala, mupiinja da nja - njalanggu da njalanggu nda da-kambelingu-a lai Nyumu.

⁷Àmbu màtangga patuya na pa-makia wàngu la tau mamonu-nggau Nyumu, ou MIRI, Ala Hupu Mambiha. Àmbu màtangga patuya na pa-paakangu wàngu la tau ma-marubuku-nggau, ou Ala Ihirailu!

⁸Maa ba lumumu Nyumudu hi pawawa-ka, ba lumumu Nyumudu hi paaka-ngga.

⁹Hama tuna tau nàmuka la kalembi-nggu, hama tuna tau tàkaka la eri ayanggu.

¹⁰Narinju-nggunya na Umamu na-pahangganggiru-ya na patikingu-nggu, na-paakangu-da da tau ma-pawawa-kau nanggàna nika nyungga.

¹¹Ku-padudurungu dàngu kurotu wikinggu tàka nyuda paaka biada-ngga.

¹²Ku-kalambungu karungu tanda handuka, tàka hi paaka waa biada-nggai.

¹³Papanii wànguka nyungga la ngia pa-pauhi, da tau maüku da ludu wàngga nyungga.

¹⁴Tàka nyungga duku ku-hamaya-nggau Nyumu, ou MIRI, ou Ala, hema-kawa la rehi na mahàmu. Ndula àru-kika ruku bokulu pa-namungu-mu dàngu rukuna na tuturu-mu.

¹⁵Àmbu màtangga pa-mumuhu la ma-kanggauhaku, pahàla-ka welingu la tau ma-karaü-ngga eti dàngu la wai manjolungu.

¹⁶Àmbu màtangga la pamili-nangga wai hei, dàngu la pa-tandaningu kati wara la tehiku jàka ndia pa-paumutu-ngga la rowaku.

¹⁷Hema-kawa ou MIRI, bau hàmudu dàngu ba pa-daingu mbuha-mungga. Punjilu pambelingu àruki lai nyungga ba na bokulu na paaïngu-mu.

¹⁸Àmbu kawiningu welingu lai nyungga atamu, dira handuka-ka, manyamalu-wa pandula-ka.

¹⁹Maiwa pa-pahàla-ka, pamara-ka welingu la mu - muhu-ngguka.

²⁰Upinya nggiki paaka-dangga nggiki pawawa-dangga, payudi-dangga, uitaha mbuu ndàba da muhunggu.

²¹Na-pawawa dàngga na-pambata yàduka, hi lupa kumbota monungu. Kuhimbu tau mamila-ngga eti, tàka kahewa-ma-ana, kuhimbu ma-paomba tàka nda ku-hunggungu-a.

²²Ba kumanjuu, dawua-ngga pangangu pameti wàngu; ba kumadau, dawua-ngga pa-ngunungu wai kadoha.

²³Màtawa na pamangu-da, ka natàka ngàndinja manjurangu, dàngu ka nanjadi-ya kambia nduma ariyaa-da.

²⁴Màtawa ka dapoki da matada dàngu ka da-lamanga mànu da kunduda.

²⁵Hanubuku-nya na mbenimu lai nyuda, màtawa na hànggamu na ma-kandulangu ka nanggàna-ha nyuda.

²⁶Màtawa na kotaku-da ka na-malinggitu kahàna, hi nda ningu mangia-nja da uma terada.

²⁷Rukuna ba da-pamayila-ha da tau pahuku-mu, dàngu dapulu-nja da tau pa-pajàra-mu.

²⁸Màtawa ka da-bonjangu padangu da njalada; àmbu pamàna-dunja nyuda.

²⁹Màtawa ka podahu-ha da tamuda la mbuku tau luri; àmbu tulihu-ha da tamuda la mbuku tau patutungu.

³⁰Pa-kapidihu-ka hi dira katiu-ka, padita-ka ou Ala, dàngu pamara-ka.

³¹Napa kuwotu-nya i Ala dàngu ludunggu, ku-pabokulu-ya Nyuna wàngu ludu pamalangungu.

³²Ba narihi ora-nyapa nuna i MIRI welingu la kameti maraku hapi, kameti maraku hapi mini ma-bokulu.

³³Ba itaya nuna, da-hawola da tau pa-kapidihu, na tau ma-marubuku-nya i Ala na-bokulu na etina.

³⁴Ba na-tanaü tau mamila mumuhu i MIRI; nda nalànja-nya na banjaru-na la uma kapàtangu.

³⁵Wotunya i Ala ha awangu tana, tehiku dàngu ngara ma-kayidiku-nyaka.

³⁶Nyuna na-pahàla-ya napa na Yeruhali dàngu na tura beliha da paraingu Yahunda. Na banjaru-na i MIRI napa da-ndàdiku lai nu; hi damangu-nya nuna na tana.

³⁷Da ana umbuku-da napa ma-kangeha-nya; da tau mambuha-nya i MIRI napa da-mangia-nya.