Read Kambera PAMALANGUNGU 7 Bible Online

PAMALANGUNGU 7 - Kambera bible

PAMALANGUNGU 7

¹Na padudurungu-na i Ndautu na paludu wàngu ndumana i MIRI rukuna i Kuhu, tau Mbanyamingu.

²Ou MIRI Alanggu, lai Nyumu ku-handera ningu; pamara-ka dàngu pahàla-kawa welingu la tau mbuu ndàba na mayaulu-ka.

³Àmbu pahia-dunja hama tuna hinga mahoba-ka hi da-ruruhu-ka, dàngu nda ningu matula-ngga.

⁴Ou MIRI Alanggu, jàka ku-kaputingu la pawunda-nggu, jàka kuwunda ma-akatu la angunggu, jàka ndia, ku-parunggi papanggu dàngu nda pa-latangu,[5] jàka kuwunda matungu nu,

⁶màta biangga ka yaulu dàngu ka nayàpa-ka muhu, hi pameti-ka dàngu hi màtangga la tana.

⁷Ou MIRI, kidiwa la hànggamu, tumbaru-ya na muhu na manyara-ka. Kidiwa pandula-ka nyungga, bau karuhi-duya na matànji mola.

⁸Pauhi-nja da banjaru la winggiru-mu, welingu la kanjàka pareta-mu la awangu kawaha-hawa nyuda.[6]

⁹Nyumu ma-patandangu ngera tau; wua-nggawa matànji mola ou MIRI, ba nda kunjala-a duku.

¹⁰Roputu-yawa na akatu katadaku dàngu paundu-nyawa na eti tau hàmu, Nyumu ba Ala matànji-dukau, bau pinya na eti dàngu na kanandingu tau.

¹¹I Ala jiaya na maopa-ngga ma-pamara-ya na tau tànji eti.

¹²I Ala ma-patandangu molaya, na tau akatu nda na-màtangu-a pahuku-nya.

¹³Jàka nda na-panjilungu na huri lurida, hawanjiru mana-nyaka i Ala wàngu madàka ma-handàkangu. Nadeli hapanda-na dàngu na-pandàngi tandai panana, na-katutu wàngu pana pa-epingu.

¹⁵Tàngaru, na tau akatu nakaka hahaya na ma-akatu; na-lakunda-ya na akatu hi nawunda ma-palapingu.

¹⁶Naàki lambongu nduma tau hawiangu, tàka nyuna wiki bia ma-hadànjalu ningu lai nu.

¹⁷Ba tuna na akatu wiki-mana mahuku-nya, dàngu na-pamayila-ya paraï rara mata miangu kuruna.

¹⁸Ku-pamalangu-nya i MIRI ba natànji mola, kuludu wotunya i MIRI Hupu Majangga.