Read Kambera PAMALANGUNGU 75 Bible Online

PAMALANGUNGU 75 - Kambera bible

PAMALANGUNGU 75

¹Nduma ma-kapipi tau maludu. Panamatungu la wiliku: Àmbu pa-molungu. Pamalangungu-na i Ahawàpu. Na ludu.

²Ma-marubuku-nggau Nyumu, ou Ala, ma-pamalangu-nggau dàngu ma-bobaru-ha da pawunda-mu da pa-hangàtarungu.

³Napanii i Ala, “La rehi pa-kawuku-nggu, napa ku-patandangu ngera wàngu mola.

⁴Jàka na-kangauhaku na tana dàngu na mangia-nyaka Nyunggama ma-pamàndu-nja da kambaniru-na,” wàna.

⁵Kupanii-nja Nyungga da tau ma-abungu, ka àmbu dahili abungu.

⁶Dàngu la tau akatu, ka àmbu da hili nggoji. Àmbu hamelangu wiki jàka ndia panii abungu wàna.

⁷Nadu na patandangu ngera nda welina la pahunga jàka ndia la patama lodua nda weli dia nda weli luru-mbuna.[39]

⁸Tàka i Ala wikima ma-patandangu ngera, na-pawawa-ya hawiangu dàngu na pajangga-ya na hawiangui.

⁹Na hànggana i MIRI beri kaba wai la lima-nanya, na kaba wai nuna ma-ihingu wai angguru mbanaya. I Ala na-ràbaya na ihina, mbutana na tau akatu la pinu tana daunu pambuta-maya bàdi.

¹⁰Tàka nyungga duku pa-daingu babaru-nggunya na Alana i Yakupu, kuludu-nya ludu wotungu Nyuna.

¹¹Napa na-poraku-ha da àtalu-da da tau akatu, tàka da tau hàmu hama huka àtalu-da.