Read Kambera PAMALANGUNGU 77 Bible Online

PAMALANGUNGU 77 - Kambera bible

PAMALANGUNGU 77

¹Nduma ma-kapipi tau maludu. Pa-namatungu lai Yendutungu. Pamalangungu-na i Ahawàpu.

²Wàngu pakodungu-nggu kuwara-nya i Ala; wàngu pakodungu-nggu kuwara, tàka Nyuna na-tanaü-ka.

³La rehi handuka ku-hamaya-nya i MIRI; maru - rudungu ka-pandemangu limanggu la hamayangu-nggu dàngu nda ningu diranggu, ba tuna na etinggu nda na bihua ka ombaya.

⁴Jàka kungàda-ya i Ala ku-padudurungu, jàka ku-patanda-nya, hama huka onjana na etinggu.

⁵I MIRI natungga pànda mahuru wàngu la rehi rudungu, nda nangudu na etinggu, hi nda peku kareuku-nggu.

⁶Ku-kanandi-nja da lodu da ma-làpahu, kunamu-ha dàngu kungàda-ha da ndaungu da ma-taliurungu.

⁷La rehi rudungu kukana - nandinya, dàngu kupaà-àrangu la eti:

⁸“Lundu nu maka ihu i MIRI ba na-jukaru-ngga dàngu nda nahili ora-anggapa ihu?

⁹Jiaka-naka ihu pambuha-nggama? Nda nahili pahàra-anyapa ihu na njanjina?

¹⁰Mbàda marombangu-naka ihu i Ala la pambuha-nggama? Hàngga-mana-nyaka ihu hi nda nahili pa-aïngu?” wàna.

¹¹Tàka hi kupanii, “Yiana-ya na ma-pahidu-ya na etinggu, jiaya ba nda nakodi màka-apa i Hupu Majangga,” wànggu.[40]

¹²Ka ku-pangàda-nja da pawunda-mu, wàngguka dou MIRI, ku-pangàda-nja da pa-hangàtarungu-kau la rehi na ma-làpahu.

¹³Mbuu ndàba da pawunda-mu napa ku-padiha-nja, da paràma-mu da ma-wirungu ku kanandi-nja.

¹⁴Ou Ala, mbuu ndàba da pawunda-mu ma-matua-ha, nggamu na mahama-nya na Alama?

¹⁵Nyumu jiakau Ala mawunda pa-hangàtarungu, upeka-yaka na mbihamu la ba - banjaru-ka.

¹⁶Wàngu kodi màkamu upamara-ya na banjaru-mu, da wàlana i Yakupu dàngu i Yuhupu.

¹⁷Ba naita-kau Nyumu, ou Ala, nda - ndàndana na wai, hamangui na lata tehiku-mbu na-kandàndaku.

¹⁸Na karumangu na-papurungu urangu, na kanduruku na-kangguruku; na kabàla natungu la nggi - nggini.

¹⁹Na kanduruku ndu - nduruna, na kabilaku ji - jilana, na tana na-yoyangu dàngu na-kandàndaku.

²⁰Ulaku li ningu la ngalingu, unjadanya na tehiku, hi nda paita-ha da ruku wihimu.

²¹Hama na mini pawangu bau londa banjaru-mu, bau wihi limanja i Muha dàngu i Harungu.