Read Kambera PAMALANGUNGU 8 Bible Online

PAMALANGUNGU 8 - Kambera bible

PAMALANGUNGU 8

¹Nduma ma-kapipi tau maludu, kikunya na wiliku Nggititu. Pamalangungu-na i Ndautu.

²Ou MIRI, Alama, na mbihamu nakada-nya la pa-nggubulu awangu! Na bokulu-mu nalàpa-ya na awangu majangga

³naludu wànya anakeda dàngu anarara. Na pareta-mu na-undungu nda na-tanggihiru ka àmbu na-pawidi na muhu dàngu na papa.

⁴Jàka ku-tangara-ya na awangu ruku limamu, ku-hamata-ya na wulangu dàngu da kandunu patumu,

⁵nggàra-mayaka na tau, hiu pangàda-nya, nggamu-mayaka nyuna hiu kabubulu-ya?

⁶Natika pahama-nggau Nyumu Ala[7] bau jijiku pajangga-ya, upatubuku-nya tembi dàngu mangarangu.

⁷Uwuanya kodi màka la hanggubu awangu, na ngara ruku limamu-ka na-karuduku lai nyuna:

⁸da mbimbi, da hapi, dàngu da banda mopu mbutada, mbutada da banda la maràda telangu;

⁹da ma-hawurungu dàngu da iyangu, mbutada da ma-kayidi-yadaku ma-ngiangu la libu muru.

¹⁰Ou MIRI, Mirima, na mbihamu nakada-nya la pa-nggubulu awangu!