Read Kambera PAMALANGUNGU 82 Bible Online

PAMALANGUNGU 82 - Kambera bible

PAMALANGUNGU 82

¹Pamalangungu-na i Ahawàpu. I Ala nauli-nya na batangu la awangu, hi na wuangu botangu-na:

²“Àmbi hili mbotu hapapa-dupa bai patandangu ngera, dàngu àmbu karaha niya na tau akatu.

³Kahiri-ya na ana mamila dàngu na tau lamanga, wuanya mamola na tau mila dàngu na mamila tanjàriku.

⁴Pahàla-ya na tau lamanga dàngu na tau na manda payatangu, pahàla-ha welingu la lima tau akatu.

⁵Nda nggàra-a papimi, minduba dàngu mi-njàrangu, ba rukumi nyimi, hi na-tanyànggaru na kangguti panggolu.

⁶Kupanii, bai pahada àlangu mbuu ndàbami anana i Ala Hupu Majangga-kai.

⁷Tàka jiangu bai pameti taungu, hama tuna mbutana na tau bokulu, tuna nu mbu nyimi bai hanggubalu,” wàna.

⁸Maingu-wa ou Ala, patanda-nyawa ngera na pinu tana, ba mangu-dumunya mbuu ndàba na banjaru.