Read Kambera PAMALANGUNGU 85 Bible Online

PAMALANGUNGU 85 - Kambera bible

PAMALANGUNGU 85

¹Nduma ma-kapipi tau maludu. Pamalangungu tau Kora.

²Muora etinya na tanamu, ou MIRI, mbàda pajia beli-munyaka na ngerana na Ihirailu.

³Mbàda jàma-munjaka da njala banjaru-mu; ndau utu-aha da ndokuda.

⁴Ndau hàngga-anjapa nyuda; na hànggamu na ma-mbàringu upaütu beliya.

⁵Pajia beli-kamawa, ou Ala Ma-pamàna-nggama, àmbu hili hàngga-nggama.

⁶Palupangu-mana-nyaka na-hànggamu-nggama, dàngu pa-daingu hàngga-mamu lupa ana umbuku?

⁷Paàtalu beli-kamawa ka peku hawola-ma banjaru-mu rukuna nandula-munggama.

⁸Pa-itangu-ya ba pa-daingu mbuhamu-nggama, ou MIRI, wua-nggamanya na mànangu welingu lai Nyumu.

⁹Ku-mbuhangu parongu-ya na paniina i MIRI Ala; nanjanji-ndanyaka na peku hàmu lai nyuta, banjaru-na; mili àru àmbu tahili wunda beli manjala.

¹⁰Langatàka, ehingu-mananya pa-pamara tau ma-karadaku, napa i Ala na ma-bokulu na-ngiangu la parainda.

¹¹Na pa-namungu dàngu na tuturu napa da-pahàmburu, na mola dàngu na peku, napa daparo - rohu.

¹²Na tuturu-na na tau, napa na tumbu welingu la pinu tana, tàka na molana i Ala, napa na-ngàdalu welingu la awangu.

¹³I MIRI na-wuangu mahàmu, hi na-wuangu ihina napa na tananda.

¹⁴Na mola napa na-mangilu-nya i MIRI, dàngu hi na-paloku-nya ànda ndumana Nyuna.