Read Kambera PAMALANGUNGU 86 Bible Online

PAMALANGUNGU 86 - Kambera bible

PAMALANGUNGU 86

¹Na hamayangu-na i Ndautu. Tingiya na-hamayangu-nggu, ou MIRI, dàngu hema-kawa, ba kumila dàngu ku-lamanga.

²Mangganya na luringgu bau mbuha-dungga, pahàla-ka nyungga atamu mawaikau Nyumu.

³Jiakau Nyumuma Alanggu, mila-kingga eti ou MIRI, ba malo - lodungu ku-hamayangu lai Nyumu.

⁴MIRI, pa-hawola-ya na etinggu Nyungga atamu, ba lai Nyumudu ku-paora ninya na etinggu.

⁵Bau hàmudu, ou MIRI, dàngu bau mbuhangu pa-jàmangu njala, na tau ma-hamayangu lai Nyumu daingu mbuha-munya wàngu mbuhangu mabundu làndangu.

⁶Eti-wànya na hamayangu-nggu, ou MIRI, tingiya na waranggu ba kukarai pa-ndulangu.

⁷La handuka-nggu ku-hamaya-nggau Nyumu, bau hema-duka.

⁸Ou MIRI, nda ningua kamàla ala hamamu Nyumu, nda ningua ma-ngalangu pawunda-ha da pawunda-mu Nyumu.

⁹Mbuu ndàba da banjaru pa-padika-mu napa damaiha, ou MIRI, pa-marubuku-nggau Nyumu dàngu pawotu-nya na bokulu-mu.

¹⁰Bau kodi màka dàngu bau wunda pa-hangàtarungu, didi-akau Nyumu Ala.

¹¹Papeka-ngganya na pawuku-mu, ou MIRI, ka kununju naiya; pambulu-nya na etinggu la pa-karàda-nggau.

¹²Ku-pamalangungu lai Nyumu wàngu weli etinggu, ou MIRI Alanggu; ka kuwotu-nya na bokulu-mu lundu nu - nu, wàngguka.

¹³Ba nda na-haleli na kanjupu mbuha-mungga; mbàda pahàla-munyaka na luringgu welingu la lambongu meti.

¹⁴Ou Ala, na tau ngànjangu, nahada lumbatu pa-hànjalu-ka, na hajuru tau mbana eti ka pameti-ya wàdangga; nda da-wàrihu-akau Nyumu.

¹⁵Tàka Nyumu dumu, ou MIRI, Ala ma-paaï pa-namungu-kau, na pa-namungu palupangu-mu na-làndangu mu-lerangu etimu, na-làndangu na pa-aïngu dàngu na tuturu-mu.

¹⁶Hamata-ka dàngu mila-kingga eti, pa-àtalu-ka dàngu pahàla-kawa, na du hama tuna na inanggu ba nalumu-nggau, tunggu nu mbu ba kulumu-nggau Nyumu.

¹⁷Wunda-ngganya na tanda hàmumu ou MIRI, ka da-makia da tau ma-karaü-ngga eti, jàka daita-kau Nyumu bau ndulaka dàngu bau ombaka.