Read Kambera PAMALANGUNGU 87 Bible Online

PAMALANGUNGU 87 - Kambera bible

PAMALANGUNGU 87

¹Pamalangungu tau Kora, na hapungu ludu. La pinu tandula ma-matua[45] i MIRI na tura-ya na paraingu-na.

²Welingu la mbuu ndàba paraingu la Ihirailu, na Yeruhali kanjupu rihi mbuha-nanya.

³Patingingu-wa, ou paraingu-na i Ala, tiki-naha da pa-hangàtarungu la ngeramu nyumu:

⁴“Na Mehiru dàngu na Mbambilu ku-tulihu-ha la huratu juruda da banjaru ma-karadaku-ngga. Da banjaru Pilitia, Tiruhu dàngu Hundangu ku-patama-nja la dihada da ma-mandapu-nya na Yeruhali,” wàna.

⁵Rukuna na Hiungu napa napanii na tau, da nua nituna na-hanggaunja mbuu ndàba da banjaru, dàngu i Ala Hupu Mambiha napa na paundu-nya.

⁶Napa i MIRI na-tulihu-ha da banjaru la huratu juruda da nua-nitu Yeruhali.

⁷Napa nyuda darenja dàngu da ludu, “La Hiungu jiaya na ngia paweli-nggu!” wàda ba daludu.