Read Kambera PAMALANGUNGU 95 Bible Online

PAMALANGUNGU 95 - Kambera bible

PAMALANGUNGU 95

¹Màla ka taludu ndumana i MIRI, tawara ta-paoingu ndumana na ma-pamara-ta!

²Màla ka ta-hurungu lai Nyuna wàngu wiliku pamalangungu, tawara tapao - oingu ndumana Nyuna wàngu ludu wotungu.

³Nadu i MIRI ba Ala ma-bokulu-ya, Hanganji manàra-ya ma-làpahu-nja mbuu ndàba da marapu.

⁴Nyuna ma-hanggubu-nya na unu tana ma-tanjiku, da pinu palindi-mbu mangu-nanja.

⁵Na-hanggubu-nya na tehiku, ba Nyuna ma-pandoi-ya, na tana mara ruku lima-mbunanya.

⁶Màla ta-marubuku palumu-nya Nyuna, ta-patika la hanggana i MIRI, na mawulu-ta.

⁷Ba Nyuna du na Alanda, nyuta banjaru pa-kabubulu-nanda, beri mbimbi papawa-nanda. La lodu nàhu rongu-yawa na talia liina:

⁸“Àmbi tongguru hama tuda da bokumi la mangilu la Marimba, hama tuna ba la Maha la maràda telangu.

⁹Lai nu dakama-ngga Nyungga, jiapa ka mbàda ita-danya na pawunda-nggu.

¹⁰Patu kambulu ndaungu mandai-na ba kulabu-nja eti; Kupanii: Langatàka na banjaru yiana nda na tuturu-a! Nda da-ihili-anja da hupu liinggu, wànggu.

¹¹Ka harangu-ngunyaka wàngu hàngganggu, nda jia tama-adapa la tana nuna pangala-nya na hangahu-daa-dangga Nyungga,” wànggu, wàna.