Read Kambera PANGERANGU 12 Bible Online

PANGERANGU 12 - Kambera bible

PANGERANGU 12

¹Na tau na ma-mbuhangu papingu wàngu, na-mbuhangu-ma pa-kataku lii panaungu; tàka na tau na manda mbuhangu ka panaunya, tau nduba-maya.

²Na tau hàmu nambuha-nya paraïna i MIRI, tàka na tau na mawuku-ya na ma-akatu napa na-ngalangu hukungu.

³Nda haàtu-a ma-padaingu pa-bunjuku paraï pa-akatu; tàka na tau matànji duna pa-daingu kapingatu-na nda pakoda-anya.

⁴Na papaha mahàmu jiaya na pa-hamemu wàna dàngu na pa-ohangu wàna na mini leina, na papaha mawunda-ya na pamakia wàna na mini leina beri hidu rina ma-pangiwa-ya.

⁵Na tau tànji na-kanandi-nya jàka nggàraha da mahàmu; na tau akatu nawuku-ya na kaputingu kabinggilu.

⁶Na kareuku tau akatu pameti wànguya; na kareuku tau tànji pamara wànguya.

⁷Na tau akatu napa na-hanggubalu hi na-tàlaru dàngu nda ningu kananda-na; tàka na tau hàmu duna napa pa-daingu kapànduku-na lundu la wàla wuana.

⁸Na tau, pa-wotungu-ya pa-namatu-nya na manggàna-na; na tau, pa-pawawa-ya pa-namatu-nya na ndubana.

⁹Narihi hàmupa ka njadi rayatu mangia wawa maningu ngia paràma-na, welingu ba pahada tau bokulungu tàka hi nda toma bia-nanyai na pangaa-na.

¹⁰Na tau hàmu nanamu-ha da bandana; tàka na tau akatu na-pajàra-ha.

¹¹Na tau raïngu na ma-mbangatu paràma, nadangu na pangaa-na, tàka na tau na ma-panjàpu-ya na rehi ràmana la manda ningu linguna tau manduba-maya.

¹²Na tau akatu na-rinjungu pa-ngalangu utuna welingu la tau katadaku; na tau hàmu beri pingi ai maningu wuangu-ya.

¹³Na tau akatu nahiru-ya kareuku maànga na patiki-na; na tau hàmu namara welingu la harui.

¹⁴Nimbihu-na na tau na-ngalangu himbalu-na pa-namatu-nya na kareuku dàngu na pawunda-na; nimbihu-da da-ngalangu tuda wundada.

¹⁵Na tau nduba nakaka wikina ba ndedima na-njàrangu, tàka na tau manggàna na-mbuhangu parongu lii panaungu.

¹⁶Jàka nahidu etina na tau nduba, la rehi numa ba na-paloha-nya; tàka na tau manggàna nda na-kawelangu-a jàka paaka-nya.

¹⁷Na tau ma-kareuku wàngu ma-tubangu, pamàndu-nanya na tànji; na tau ma-kambàliku, patàka-nanya na manda tànji.

¹⁸Na kareuku panda pa-nanjarungu na-pamanua eti hama hapanda-ya; na kareuku manggàna beri tàda ai ma-pamàlaru-ya.

¹⁹Na kambàliku papingu memangu-ya la hakambàdiku wua mata, tàka da kareuku ma-tubangu da-padaingu lundu nu - nuha.

²⁰Na tau na mawuku-ya na ma-akatu, nambuha-nya na manda tànji; na tau ma-pamukaru-nya na mahàmu napa na-paohangu.

²¹Na tau na mahàmu nda nanggàna-aya manjurangu; na tau akatu nanggàna mànuya harui.

²²I MIRI na-karaü-nya eti na ma-kambàliku; tàka nahàmu-nya eti na tau ma-patutungu.

²³Na tau manggàna nda na-pawuwa-aya na papingu wàna; na tau nduba duna na-wewaru-nya na panduba wàna.

²⁴Na mbangatu paràma na-jakaru-nya la panjadi tau maningu kawahangu; na mayau na-runggatu-ya na tau la panjadi ata.

²⁵Na handuka-nya na luri na-pamuna-nya na ringgitu, tàka na kareuku mànjaku na-pahàmu eti.

²⁶Na tau hàmu narihi pa-kanyurungu welingu la tau lihi umana; na tau akatu na-njàrangu ruku akatu-na.

²⁷Ba wàngu pamayau nda pangala-anya na parinju eti; ba wàngu pa-mbangatu paràma na-ngalangu pawulu wàngu na tau.

²⁸Na tau na makiku-nya na ànda ma-padeningu napa na-paohangu; na tau na makiku-nya na ànda na ma-akatu, hanggangu-nanya la meti.