Read Kambera PANGERANGU 15 Bible Online

PANGERANGU 15 - Kambera bible

PANGERANGU 15

¹Wànya na hema mandangu, na-wadaru na mbeni; wànya na hema hanggàritu, wuda-nanya na ma-karaü.

²Na kareuku tau manggàna na-pawiti-nya la parinju-nya na papingu wàngu; na kareuku tau nduba panduba wànguya na ihina.

³I MIRI naita hàla-maya na matumbu-ka la nggi - nggini; na-hamata hàla-maya na mahàmu dàngu na ma-akatu.

⁴Na kareuku hàmu nabonja-ya na ringgitu, na-kareuku ma-pahidu eti na-pamàli-ya na patikingu.

⁵Na tau nduba nda natunya wilina na panaungu amana, na tau manggàna natunya wilina na lii kanyàngi.

⁶La uma tau hàmu dadangu da pawulu wàngu; da pawulu tau akatu damànji ruku ura pàda.

⁷Na kareuku tau manggàna papingu wàngu ju - juaya, tàka na kanandingu tau nduba nda tuna nua.

⁸I MIRI na-kataku-ya na hamayangu tau hàmu, tàka huda eti-mananya na maraku pawotu tau akatu.

⁹I MIRI na-karaü-nya eti na huri luri tau katadaku, tàka nanamu-ya na tau na ma-pamukarungu pa-palaku-ya na pawuku-na Nyuna.

¹⁰Na tau mawunda-ya na ma-akatu pa-pamayila-ya napa; na tau manda bihu ka kanyàngi-nya napa nameti.

¹¹I MIRI napinya na parai tau meti dàngu jàka nggi - nggikina; nggiki hama pekuna kaka pa-kawiningu kanandingu-na na tau welingu lai Nyuna?

¹²Na tau na ma-mbuhangu pa-pawawa anguna nda na-mbuhangu-a ka kanyàngi-nya; nda nabihu pakarai lii panaungu welingu la tau manggàna.

¹³Na eti mànjaku na-pawiti-nya na mata ma-hawola; na eti ma-hawina na-poraku-ya na ringgitu.

¹⁴Na tau manggàna nahimbu papingu wàngu; na tau nduba na-karamba ningu la ndubana.

¹⁵Na tau ma-kamundangu na-pajàrungu-ma bàdi la lurina, tàka na tau ma-hawola ju - juaya naingu pa-ohangu-na.

¹⁶Narihi-pa pahàmu ba hakudu banda malanja tàka na pa-kariangu mangàdatu-nya i MIRI, welingu ba dangu banda malanja tàka na pa-kariangu hala eti.

¹⁷Narihi-pa pahàmu ba ngangu rii muru pa-kariangu pa-mbuhangu, welingu ba ngangu tolu mboka pa-kariangu pa-karaüngu eti.

¹⁸Na tau na marengga pambeni na-patumbu-ya na pa-palumungu wàngu, na tau na ma-lerangu etina nangàndi luri peku.

¹⁹Na tau mayau nahunggu mànu ma-kalutu; na tau tànji nda nahunggu-a harui.

²⁰Na ana ma-manggàna na-pahàmu eti amana; na ana na manduba nda na-wàrihu inana.

²¹Na panduba wàngu jiaya na pahàmu eti wàna na tau nduba, na tau manggàna naluri kunduhu.

²²Nda na-hàrangu na pawuku, jàka nda na-pakariangu padiha hahangu; na-hàrangu na pawuku, jàka nadangu na ma-wuangu lii panaungu.

²³Da kareuku da ma-jàngapu la rehina, da patumbu-ya na mbaha eti.

²⁴Na tau manggàna na lii ningu la ànda pa-kandekalu na ma-hanggangu la luri; nda la ànda pa-kamburungu-a na ma-hanggangu la meti.

²⁵I MIRI napa na-nyànggaru-ya na uma tau jangga eti, tàka na tana manguna na haàtu kawini meti lei namangga-nya.

²⁶I MIRI nakaraü-nya eti na pawuku na ma-akatu; tàka da kareuku mahàmu da-pambaha-ya na etina.

²⁷Nggamu mahimbu utu manda pa-deningu, pamija-nanya na kuru uma wikina. Nggamu ma-karaü-nja eti da ndui pakei li hambeli, na-paohangu na lurina.

²⁸Na tau hàmu na-padaü-manyapa duna na kareuku-na; na tau akatu natiki-ha da ma-iraku.

²⁹I MIRI natingi-ya jàka na-hamayangu na tau hàmu, tàka nda na-ihili-anya na tau ma-katadaku.

³⁰Na mata ma-hawola na pambaha eti, na lii langu mahàmu na-pahayandalu hamangu.

³¹Na tau na ma-wàrihu lii kanyàngi la kaloka tau manggàna-ya.

³²Na tau manda bihu ka panaunya, nda pawili-nanya na wikina; na tau na ma-mbuhangu ka kanyàngi-nya, nalua-ya la paeti.

³³Na ngera mangàdatu-nya i MIRI jiaya na lata pa-papekangu mahàmu; na ma-ngalangu tembi na-karàda eti-mapa duna.