Read Kambera PANGERANGU 18 Bible Online

PANGERANGU 18 - Kambera bible

PANGERANGU 18

¹Na tau ma-kawàri wikina welingu la tau hawiangu hama-mana ba yaulu-nanya nduma wiki-maana; nda nabihu-a pa-kataku kanandingu tau hawiangu.

²Na tau nduba nda na-mbuhangu-a ka wuanya lii kaloka; mbuhangu-nanya pa-wewaru-nya na papi wiki-maana.

³Na njala dàngu na pa-makia wàngu dalaku pa-kariangu; jàka nawunda-ka manda hàmu, jiangu-maka duna ba paaka-nya.

⁴Na kareuku-na na tau na-ngalangu panjadi ngia paweli-na na manggàna na ma-tanjiku hama kuru nduu, dàngu na ma-mànjaku hama tuna wai na ma-lulungu.

⁵Nda nahàmu-a ba angu ninya na tau katadaku tàka hi kapidihu niya na tau manda njala.

⁶Jàka na-kareuku na tau nduba patumbu-nanya na pa-lumungu, dàngu karai-nanya ka ràmbahu-ya.

⁷Na patiki tau nduba palàjaru-nanya wikina; nahiru-ya kareuku wikina.

⁸Na pawau tamu tau nahàmu ba ronguya; na-mbuhangu pa-kawàluku-nya tau.

⁹Na tau manda pahàrangu wai ngerana hama nda hàmu-mana dàngu tau na ma-mbuhangu pa-paruha-ma-a.

¹⁰I MIRI beri lewatu kapingatu-ya; lai nàhuya nalaku ningu pamara na tau tànji.

¹¹Tàka na pakaka tau wulu jiaha da pawulu-na da mamangga-nya nyuna beri hama kilimbatu jangga ma-kapingatu la winggiru-na na paraingu.

¹²Na tau abungu napa nanjoru, na tau karàda eti napa patembi-ya.

¹³Na hema ba ndedi pa-patingingu pawunda manduba-ya dàngu pa-paakangu.

¹⁴Paraï pa-patikingu paluri, na-ngalangu pa-torungu la mayila-na na tau; jàka na-munangu nuna na patikingu, munangu-mbunanya mbuu ndàbana na monungu-ka.

¹⁵Na tau paeti na-kalaura mànunya na papingu wàngu; na tau manggàna narinju mànungu pa-ngalangu lii papekangu.

¹⁶Na pawua juangu nahewa-ya na ànda dàngu nalua kariangu tau la hanggada da tau bokulu.

¹⁷Na ma-kareuku mangilu la hangga batangu ma-patandangu ngera, nakàli pa-deningu-ma ba wàngu paita-ya, tàka jàka natàka-ka na papana hina-duka hi kanuturu-ya.

¹⁸Ba wàngu paundi, na-ngalangu panjàpu na pa-lumungu, jiapa na pahili-da da tau maningu kawahangu na-ngalangu pa-patangangu.

¹⁹Na angu dedi na pambàda hàka eti, narihi harui-mapa la palua tomaya welingu la paraingu ma-kapingatu; na parau ngaru beri kapala pàtu pindu bokulu paraingu maningu tindingu-ya.

²⁰Ndumada da kareuku maluhu welingu la ngaru lupangu-ma ba itaya na injana.

²¹Ningu kawaha-na na làma la pa-pamara-ya jàka ndia la pa-paruha-ya na luri; na rukuna na kareuku patiki-na na tau lupangu-ma na-handepa-ya.

²²Na tau na ma-ngalangu papaha-na, utungu-mananya; na papaha, pawua juangu ma-pawelingu lai MIRI-ya.

²³Na tau mila na-kamahi pamila etingu; na tau wulu duna nahema wàngu pa-kayàmbakungu-na.

²⁴Ningu kandua manda patutungu, tàka ningumai marihi hàmu welingu la angu dedi wiki.