Read Kambera PANGERANGU 20 Bible Online

PANGERANGU 20 - Kambera bible

PANGERANGU 20

¹Na paunu pa-maüku wàngu paànga wànguya dàngu pa-kariwatu wànguya. Nduba-nanya na tau na ma-unungu lundu maüku-na.

²Na hànggana na hanganji beri kangaüku hingaya; na tau na mawuda-ya na hànggana pa-hanggàmaru-nanya wikina.

³Mbulungu tau nduba-a na ma-mbuhangu pa-palumungu; na huri pa-wotungu jiaya na wiliru-nya na pa-lumungu.

⁴Na tau tungu woka mamayau nda naràma-aya na wokana la rehi ràmana; la hupu njàpuna, la rehi muti nda nggàra-a ihina na tanana.

⁵Na wini eti tau beri hamana na wai humuru ma-lumbungu; tàka napeku pataku-ya tau maningu eti diha kanandingu.

⁶Nadangu na tau na mapeka wikina ba angu lànggiya, tàka harui la pahunggu tau ma-tuturu langatàka.

⁷Da-utungu da ana da ma-amangu tau hàmu dàngu na ma-kunduhu lurina.

⁸Jàka na mandapu la kanjàka patandangu ngera na hanganji, peku ita ndàba-nanya na ma-akatu.

⁹Ningu nu tau mapanii, “Naili-ma duku na etinggu, ku-pahàla-maka welingu la njala,” mapeku la pawàna?

¹⁰Na timbangu dàngu na pa-hukutu wàngu na ma-palapingu nda nambuha-anya paraïna i MIRI.

¹¹La pawunda-na na haàtu ana ta-ngalangu papinya na hàmu dàngu natànji ihu na hurina hi ndia.

¹²Da kahilu parongu wànguha hamanai da mata paita wànguha, pa-kadua-da pa-padika-na i MIRI-ha.

¹³Na tau ma-mbuhangu pa-mahuru, lupangu-ma na hadànjalu la mila. Na tau ma-maràna paràma, ningu pangangu danguna.

¹⁴Na tau na makei, na-kayeku bàti mànunya na mbotuda da wili. Tàka ba nahàla-ka pakei, na-bokului na etina ruku wili pangala-na.

¹⁵Da kareuku papingu wàngu, darihi pa-wilingu-pa welingu la àmahu marara dàngu la itangu mbaraliangu.

¹⁶Nggamu ma-mbuhangu patanggu duku wutangu tau hawiangu, ràka-mana jàka pitiha da manguna la pa-pamàndu wànya na paràndi-na.

¹⁷Da pawulu pangala wàngu pa-lapingu, dalàngga la pakiri-na, tàka la malamiri beri hama karunggu watuha ba pàdanja.

¹⁸Na-hàrangu na pawuku rukuna ba timbangu; jia ba tuna àmbu parukangu-du jàka nda pakaka pa-hàmungu.

¹⁹Na tau na ma-mbuhangu papulu-nya na tau hawiangu, nda na-ngalangu-a pa-kawini-nya na pa-kàpingu; àmbu panggolu dàdunya na tau malalu dangu kareuku-na.

²⁰Na tau na maràtu-nja da ina amana, napa na-molungu na lurina hama tuna palita mambàda la rudungu kapàtangu-ya.

²¹Da pawulu wàngu da parengga ngalangu, na-lohangu la hupu njàpuna ba nda kanyuru-aha.

²²Àmbu himbalu wànya akatu na ma-akatu; pawaiwa lai MIRI, ba Nyuna duna ma-pandulangu.

²³Na timbangu dàngu na watu timbangu pa-lapingu nda nambuha-anya paraïna i MIRI.

²⁴I MIRI na mambàda kawuku-ya na ànda lurina na tau yia la pinu tana; tuna nu duka hi nda natama la kanandingu-na na tau na ruku ànda luri wikina.

²⁵Kanandi hàmu-pàkunya ba ndedipa uràndinya kameti maraku i MIRI. Talànga wanguna upekadu halaera la lodu malamiri.

²⁶Na hanganji ma-manggàna napi-manya nggamuya na tau akatu; napa nahuku-nja dàngu nda pa-aïngu.

²⁷Na papàda eti tau pinu tana harii welingu lai MIRI-ya na ma-handaraku-nya nggubulu-na na eti dalu.

²⁸Jàka na-pareta wàngu pa-namungu, pa-tutungu dàngu molana na hanganji, na pa-daingu paningu kuaha-na.

²⁹Da bidi tau pa-maratangu-nguha rukuna na pariida, dàngu pa-humbarungu-ha da ma-kaweda ruku lunggi uwangu-da.

³⁰Talànga handàka na mapuri mapaita na-podahu-ya na akatu, tàka hi na-paili-ya na eti tau.