Read Kambera PANGERANGU 23 Bible Online

PANGERANGU 23 - Kambera bible

PANGERANGU 23

¹Jàkau uhuku panga dànya na haàtu tau bokulu patanda hàmunya nggamuya na pahangga-mu.[7]

²Jàka mu-patikingu panga padangu, munàdi-ya na patikingu-mu.

³Àmbu mangàba-nja da pangangu hàmu pa-paloku-nanggau, raï ai duna hi kahili biana-nggau.

⁴Àmbu pamukarungu dira matiki pàku la pawulu. Pabeta-nya nuna na patikingu-mu.

⁵Nadu, ndedi mbàdiku-na na njàpuda, hama tuna ningu ruu kàpada ka àmangu hi da-hawurungu hu dita la ma-kahàna hama tuna mbaku.

⁶Àmbu nga dànya na tau kutuhu. Àmbu mangàba-mbunja da pangangu hàmuna.

⁷Nadu, ba napanii, “Màla tangangu; hili bonjangu-ki,” ba wànanggau, làti na pawuku etina nda tuna nua duna. Na-minangu la ngaruna, tàka hauyai la etina.

⁸Napa mumuta beli-dunya na pambàda kawàluku-mu dàngu mbuu ndàbada da kareuku wotu-munya nda ningu-apa linguda.

⁹Àmbu panau-dunya na tau nduba; nda jia tu-ananya wilina nuna na panaungu-mu.

¹⁰Àmbu jia paleli-dumunya na padira tana kangeha jàka ndia la papiti-ya na tana manguna na ana mamila.

¹¹Nadu, ba jiaya i MIRI na ma-mbangatu pa-kahiri-ha, Nyunama ma-kahiri-ha palawa-nggau nyumu.

¹²Eti wànya na lii papekangu nggurumu dàngu mu-papeka pa-dangunguma.

¹³Àmbu kanodaru pa-papekangu anamu. Jàka mu-ràmbahu-ya nda jia meti-ana,

¹⁴pamara-wa bia-nanya duna.

¹⁵Ha ananggu, dira hàmuya na etinggu jàka mu-manggàna.

¹⁶Na-bokulu na etinggu ba kurongu-ya na patiki-mu na kareuku ma-nggànangu.

¹⁷Oha-naika nyuna àmbu wàmu-dunya na tau njala. Karadaku mànu-nyawa i Ala

¹⁸keha ka na-habola na lodumu na manàmu-nya, dàngu na monungu-mu ka àmbu na-mbulangu.

¹⁹Patingingu-wa, ha ananggu! Màtawa kau manggàna. Tanara pahàmu-nya na huri lurimu.

²⁰Àmbu panggolu dàdunja da tau maüku jàka ndia da tau manganga eti,

²¹maa ba jiangu-ma damila. Jàka mu-katuda bia, ndedi nggi tuna mandaina napa bau kalambungu ma-kanyapatu.

²²Karadaku la amamu; nadu, jàka nda ninya nyuna nda nimbunggau nyumu. Jàka na-kaweda-ka na inamu, paloha-nyawa bau tembiya nyuna.

²³Da lii papekangu ma-tubangu, da manggàna, da papekangu, dàngu da kanandingu ma-jàngapu — nuda mbuu ndàbada lupangu-ma ba keiha, tàka nambotu-maka la padangga-nja.

²⁴Na haàtu ama napa nambaha eti jàka na-paeti na anana; na-bokulu eti wànya jàka na manggàna na anana.

²⁵Màla aruki ka da-bokulu eti da ama da inamu rukumu nyumu; màla aruki ka paoha-nya na kawini ma-paana-nggau.

²⁶Hamata pahàmu-manya dàngu mukiku-manya na luringgu, dou na ananggu!

²⁷Na kawini pahunda na maluri kiu kaü jiaya na kambia pa-hanggàmaru wàngu.

²⁸Nyuda da pandapungu hama tuna tau rambangu-ha dàngu da-titiru-ha da mini dangu la pa-njuraku.

²⁹Mupi-nyaka nu jàka nggàra madeni-nya na tau na malalu unu padangu-na angguru, dàngu na ma-kamangu paunungu mamaüku? Na tau nuna na-harui dàngu na-mayila. Na-pahànggangu mànu dàngu na-kaingu. Darara da matana dàngu na-manua na ihina, làti duna napeku-ma la pa-wiliru-nja nuda mbuu ndàbada.

³¹Àmbu pahia-nya na angguru la parunda-kau, jiapa-kai narara-na ba dira pali etiya dàngu ba ji - jilana la kaha hamanai ba dira hàmuya ba kawàluku-nya.

³²Haromu la mbaru mupàda-nya ba hama tau pambàda kati kataru mbanakau.

³³Da matamu hama tuna ma-itangu kapi mamaha, na kanandingu-mu na-hariwatu dàngu na ngarumu na-karepaku.

³⁴Mu-pàdangu wikimu ba beri ninggau la kapuka tandai lamanga kapalu la padua tehiku; nawingu na katiku-mu dàngu mbembatu - mbembatu-mu bau laku.

³⁵Tàka nyumu, “Talànga wanguna palu-nangga dàngu tàba-nangga tau ihu, tàka nda kunamu-ayapa nggàraya na mambàda tumbu. Nai a-ai, dira tàtiku-ka! Kuhili unungu-ki bàdi!” wàmu-madua-ka.