Read Kambera PANGERANGU 26 Bible Online

PANGERANGU 26 - Kambera bible

PANGERANGU 26

¹Hama tuna na urangu la rehi wandu, dàngu na ura kamba la mbana lodu, tuna numbu ba nda ràkana na wotungu la tau nduba.

²Hama ma-hawurungu ba da-hawurungu la kuru awangu, tuna numbu na harangu ba nda nanggàna-ya na tau manda njala.

³Na kalandai rapa-maya bàdi, na njara ràmbahu-maya bàdi, tuna numbu na tau nduba ba palu-maya bàdi.

⁴Na tau na mahema-ya na paàrangu tau manduba, hama nduba-nanya na tau nuna.

⁵Na paàrangu manduba lupangu ba hema wànya hema ndubambu, ka peku pàda-nanya ma-paàrangu ba nda napingu-a hama tuna na pakaka-na la etina.

⁶Palewa-ya na haàtu tau nduba la pangàndi lii langu, hamana ba pata wihi wiki dàngu ba himbu hanggàmaru.

⁷Hama tuna tau kaliparu mapaki-ha da wihina, tuna numbu na tau nduba na ma-wuangu lii panaungu.

⁸Wotunya na tau nda pingu, hamana ba hondu pamàndu-nya watu na kapitu.

⁹Hama tuna tau maüku ma-mbuhangu pa-paluhu-ya na kàna la limana, tuna numbu na tau nduba na ma-wuangu lii panaungu.

¹⁰Nggamu ma-paràma-nya na tau nduba jàka ndia àtalu tau bia parunggi-nanya tau dangu.

¹¹Hama tuna na ahu na mabeli la mutana, tuna numbu na tau nduba na mabeli-nya na ndubana.

¹²Na tau na manduba halawàla narihi hàmupa welingu la tau na makaka wikina ba pingu-nanya.

¹³Na tau mayau na-mbuhangu pa-ndàdiku la uma; napanii, “Ningu hinga la hambeli, nahoba-duka nàhu la ngarangia,” wàna.

¹⁴Hama tuna pindu na mawingu la punduku-na, tuna numbu na tau mayau ba na-pambe - mbelingu la ngia pa-katuda-na.

¹⁵Ningu tau ma-kanjupu mayauya; la pahoba panga-ana nda nabihu-mbu.

¹⁶Na tau mayau nakaka wikina ba narihi kaminaku-pa welingu la tau mapihu da mahema pa-deningu.

¹⁷Na tau na ma-patama korungu daa la pahànggangu nda ngerana beri hamana na tau na mayàpa ahu rumba la kahilu-na.

¹⁸Na tau na ma-panyonga anguna, “Tangeji-anggunya,” ba wàna, na-pahama la tau katoba na ma-pajulu wàngu madàka pa-hanggàmaru wàngu.

²⁰Jàka nanjàpu-ka na ai, mbàda-nanyaka na epi; jàka nda ninyapa na tau mbàdi ngaru, pànjangu-mbunanya na pa-lumungu.

²¹Hama tuna arungu dàngu ai ba da-paroka mànuya na epi; tuna numbu na tau ma-mbuhangu pa-palumungu ba na-padukulu-ya na pahànggangu.

²²Na pawau angu nahàmu ba pàdanya; narengga kawàluku-nya tau.

²³Hama tuna wuru tana pa-apihu wàngu àmahu bara, tuna numbu na tau na ma-minangu la ngaru, tàka hi na-akatu la etina.

²⁴Na tau ma-paumbingu na-minangu kareuku-na tàka na etina ma-kambàliku ju - juaya.

²⁵Jiapa-kai ka na-kamàhaku, àmbu waiduya; nadu ma-paumbingu ju - juaya la etina.

²⁶Jiapa-kai ka na-kawini-nya na paumbingu-ma, naita-maya duna na akatu-na paraï mbuu ndàbana.

²⁷Nggamu maàki lambongu nduma tau hawiangu, napa nyuna wiki ma-hanjubulu hu daa. Nggamu ma-kilungu watu, ka na-pinjalu-ya na tau hawiangu, nyuna wikima duna na pa-pinjalu paraïna na watu na pakilu-na.

²⁸Na kambàliku-nya na tau hama biana ba karaünya eti. Na ngaru minangu pa-hanggàmaru wànguya.