Read Kambera PANGERANGU 27 Bible Online

PANGERANGU 27 - Kambera bible

PANGERANGU 27

¹Àmbu abungu-du rukuna na lodu haromu, ba ndau pianya jàka nggàraya na matumbu nu la loduna.

²Àmbu wotungu-du wikimu; màta ka nawotu-nggau tau hawiangu, jiapa ka paraï tau mandedi tandakau.

³Watu dàngu wara da-halimu-a, jàka pamenja-nja dàngu na paharui wàngu na pa-patumbuna na tau na manduba.

⁴Na mbeni duna mambana eti dàngu ma-palàjaru-ya, na nyuna ba hangganya na kapihi nggamu na ma-torungu?

⁵Narihi hàmupa ba kanyàngi la hangga weli ba mbuha kangunduhungu.

⁶Da angunda da-papalu wàngu pa-namungu, tàka da muhu da-parohu wàngu upahu.

⁷Jàka mbihu, da manggaluangu nda pambuha-mbunja; jàka manjuu, da mapaita dalànggambu ba pàdanja.

⁸Na tau na malaku wàrungu umana, hama tuna ma-hawurungu ma-wàrungu hibuna.

⁹Hama tuna ba dapalii eti da mina mbii kati dàngu da mawau hiritu-ka, tuna numbu na hàmuna na angunda ba na-pahayandalu hamangu.

¹⁰Àmbu rombangu-du angumu jàka ndia anguna na amamu. La haruimu, àmbu karaidu pa-ndulangu la angu dedimu; da tau la lihi uma darihi palingu-pa welingu la angu dedi la mamarau.

¹¹Ha ananggu, màtawa kau manggàna, ka peku hàmuna na etinggu dàngu ka peku hema-nggunya jàka na-paakangu na tau.

¹²Na tau manggàna na-hinggilu jàka naita-ya na hanggàmaru; na tau nduba nalaku pangalangu hi nanggàna-ya ura dedi.

¹³Nggamu ma-mbuhangu pa-tanggungu wutangu tau hawiangu, ràka-mana ba pitiha da manguna ka pamàndu wànya na ràndina.

¹⁴Nggamu na ma-kamàhaku pawàndi-nya na anguna la mbaru hada rudungu, natama la kaloka peka-nanya ràtungu.

¹⁵Na papaha mambuha-nya na pa-lumungu hamana na lingu urangu na mapuru weli mbarungu lundu rudungu.

¹⁶Nda napeku-a pa-paràha-nya pakandii nyuna, hamana na ngilu ba nda napeku la papàtu-ya dàngu na lonahu ba nda napeku la pawunggu-nya.

¹⁷Hama tuna waja ba nadeli-ya na waja, tuna numbu na tau ba na-papekangu welingu la anguna.

¹⁸Nggamu ma-anggaraa pingi ai, lupangu nanganya na wuana. Na ma-paloku napa patembi-ya jàka na-pakateli-ya na mirina.

¹⁹Hama tuna na wai ba na-pangitangu-ya na matamu, tuna numbu na etimu ba na-pangitangu-ya na wikimu.

²⁰La pangia tau meti, ningu mànuma pangia; tuna numbu na parinju-na na tau ba nda ningu dirana.

²¹Da àmahu rara dàngu àmahu bara pa-kamangu la epiha; na tau patanda-ya welingu la hurina ba nawotu-nya tau.

²²Jiapa-kai ka palu pajàra-ya na tau nduba, nda jia mbulangu-ana na panduba wàna.

²³Mu-kulipu pahàmu-manja da bandamu,

²⁴maa ba nda da-palupangu-a da pawulu wàngu. Jiapa na kuaha pa-pareta-mbu, nda jia pa-daingu-ana lundu nu - nu.

²⁵Da rumba la woka dàngu la palindi pakaü-ha dàngu pa-pauhingu-ha ndumada da bandamu, nu ba tuna tumbu-danyaka da rumba bidi.

²⁶Welingu la ruu ihi mbimbimu mu-ngalangu paki, dàngu welingu la àmahu ba dangganja hawiangu da kamàmbi-mu hi mudingi tana bidi.

²⁷Welingu la kamàmbi hawiangu mu-ngalangu wai huhu nduma wikimu dàngu kuru umamu hamanai da papalewa-muka.