Read Kambera PANGERANGU 7 Bible Online

PANGERANGU 7 - Kambera bible

PANGERANGU 7

¹Namuha da pati - tiki-ngguka, ha ananggu, dàngu àmbu mbula-dunya na pa-paràha-nggunggau.

²Tundu-njawa da lii panau papekangu-nggu ka peku luri hàmumu. Kiku hàmu-manja da pa-papeka-nggunggau hama tuna na manggangu-mu karohu wua mata wikimu.

³Namu mànu-maha nu da pa-papeka-nggunggau, dàngu pakàpa-maha daa la eti dalumu.

⁴Màtawa kau kakaya na manggàna beri angu dedi-munya dàngu na papingu wàngu beri kandua hàmu eti-munya.

⁵Na manggàna na-pamarau-kau welingu la kawini ànga, welingu la kawini ma-pakameni eti wàngu kareuku minangu.

⁶La hau na lodu ku-tàngaru welingu la katonga umanggu.

⁷Ka ita-nggunjaka da bidi mini ndoku da ma-kanguraku biapa; wàngu paihikungu-na ku-hamata-ya na haàtu manduba la hongada.

⁸La malingu ba na-kapàtangu-ka, nuna na bidi mini nalaku la ngia pa-wikitungu-na nu na ànda na ma-hanggangu la ngia pa-ndàdiku-na na haàtu tau kawini.

¹⁰Nuna na kawini, kawini manda kadeningu la uma-nanya. Tiangu hakudu - tiangu hakudu ni - nimanya la hingi ànda, hili hàlai la mambila-ya, jàka ndia na-ndolaku pa-nedingu la pa-hàmburu ànda. Na nggoda nggàduku-na nda ana wodutu-na dàngu nda napinya na pa-makia wàngu. Kuita-ya luhuna ba dàngu pakina hama tuna paki kawini pahunda hi na-tabuku-ya nu na bidi mini wàngu màhina la eti.

¹³Tunaka nu hi na-ohuru-nya nuna na bidi mini, hi na-puduku-ya. Nda ningua makia-na ba napanii,

¹⁴“La lodu nàhu lupangu-ma ku-mbayaru-ya na panjanji-nggu, ndumana nuna mbàda wotu-ngguka kameti maraku.

¹⁵Tuna nuduka hi kuluhu pahimbu-kau, kau ngangu ningu la umanggu. Nàhu jàngapu-nggunggauka!

¹⁶Na ngia pa-katuda-nggu mbàda palàmbaru wànggu-nyaka tera linangu manandangu madangu huratu-na ma-pawelingu la Mehiru,

¹⁷dàngu mbàda pambii kati-nggunyaka wàngu mbii kati hangia - hangia welingu la emuru, nitu dàngu kaninggu.

¹⁸Nàhu, mainguwa ka ta-padoputu parohu ba tawàngu pakiku-nya na pambuha etinda lundu ta-kanjupu-ya na rudungu.

¹⁹Na leinggu nda ni-anya la uma, talànga pàlaku marauna.

²⁰Nyuna nangàndi padangu àmahu, nda jia beli-ana la dalu dàmbu minggu,” wàna.

²¹Tuna nu duka nuna na kawini ba nanggeli-ya na bidi mini, ba nawàngu papama - mandanya ba na kameni-ya na etina hi lundu na-tamaï.

²²Ba dàngu nda kanandi-nanya laku tundu-nanyaka nuna na kawini beri hamana na hapi pairu la ngia parupu dàngu beri hama tau pa-tahangu na pangàndi ka nangala-nya na hukungu nduma tau nduba;

²³nda pira-ama-napa ba nalumbu làpahu-nya pana na etina. Hama tuna na ma-hawurungu na ma-hawuru hanggangu la hiru, tumbuna nuna na bidi mini ba nda nambuti-nya ba hanggàmaru-nanya na lurina.

²⁴Jia ba tuna, ha dimi anakeda, patingi-nggawa. Eti-wànjawa da lii panau papekangu-nggu.

²⁵Àmbu pahia-dunya na kawini tungu nu payila-ya na etimu; àmbu luadu pahimbu-ya nyuna,

²⁶nadu ba mbàda pa-làjaru-nanyaka na lurina na tau mini dangu. Nda papingu biapa padiha-ya na danguna na tau na mambàda tàlaru rukuna nyuna.

²⁷Nu ba lua la umana, hama-maana ba li la ànda ratahu na ma-hanggangu la meti.