Read Kambera LUDU BOKULU 1 Bible Online

LUDU BOKULU 1 - Kambera bible

LUDU BOKULU 1

¹Na Ludu Bokulu pa-lawiti-na i Halomu.

²Puduku wànggawa tàda ngarumu; na mbuha-mungga narihi hàmupa welingu la angguru!

³Nyumu kanjupu hambungaru-kau, na tamumu beri mina mbii kati mambungu-ya; tuna nuduka, hi nambuha ndàbanggau ana karia!

⁴Karia-nggawa ka ta-nyanyaru dou hanganji-nggu, wànda-kawa la kurungu-mu. Rukumu nyumu ma-hanggela hawola mbuu ndàbama, hi mawotu-nya na mbuhangu-mu na marihi-nya na angguru; ràka-mana dumu hi nambuha-nggau bidi kawini!

⁵Ha dimi bidi kawini Yeruhali ku-manandangu jiapa-kai ku-mitingu; hama mitingu uma tera la Kendàru, na nyuna hama manandangu dindi tera la umana i Halomu!

⁶Àmbi tàngaru niduya na manula-nggu na ma-mitingu, ba memi-nggunya la hambàti mbana lodu. Dambeni-ngga da ayanggu, dàngu da-paràha-ngga paràma la woka angguru; hi nda ningu ndoku pekunggu pa-àrapu-ya na wikinggu.

⁷Dou i Pambuha-nggu duku, paniiwa la nggini upawangu ningu mbimbi, la nggini upapànja ninja la malingu? Kanii hi hama tuna ma-njadangu-ka la njonga mbimbida da angumu?

⁸Màlaka, nggikina hi ndau pinya na pangia-na, dou ma-manandangu la njonga kawini? Ndàki biaha da rukuda da mbimbi, pawa-njawa da kamambi-mu la lihi uma terada da tau ma-pawangu.

⁹Dou na wuranggu duku beri njara baikau nyumu mayila kareta-na i hanganji Mehiru.

¹⁰Da-manandangu da papumu, la njongada da ngaü, na nggorumu na-nggajungu wàngu ngaü nggoru maningu watu mata tawuru.

¹¹Napa ma-pandoi-nggau ngaü àmahu rara, dàngu hàda àmahu bara.

¹²Ba na-tanggilungu na hanganji-nggu la ngia pa-katuda-na, na-hambungaru na wau hingatu mina mbii kati narawàtu-nggu.

¹³Na wuranggu hama tuna muruya na mbii katina, ba na-haria la kurunggu.

¹⁴Na wuranggu beri hareti wàla ai bidi papaya ba na-hanggebaru la woka angguru la Eni-Nggendi.

¹⁵Dou i tuturu-nggu duku, nyumu umanandangu pa-nggajungu! Da wua matamu beri kulundiha-ha.

¹⁶Manggepi-kau dou i pambuha-nggu duku, kanjupu nggajungu-kau! Na ngia pa-katuda-nda la rumba muruya.

¹⁷Ai kahàbaru-ha da kambaniru umanda, dàngu ai kajiu-ha da hindina.