Read Kambera LUDU BOKULU 2 Bible Online

LUDU BOKULU 2 - Kambera bible

LUDU BOKULU 2

¹Nyungga duku wàla mawaru-aka la lola Harungu, wàla mangàta la lo - lolangu.

²Beri mangàta la honga rii madàka, tuna nu na wuranggu la njongada da bidi kawini.

³Beri pingi wua ai àpilu la padua-da da pingi ai la omangu, tuna nu na wuranggu la njonga bidi mini. Nahàmu na etinggu pa-pamaü la lumbuna, da wuana dalàngga ba pàdanja.

⁴Na-karia-ngga la maü ngia pambabu, na-kanandaru-ka wàngu kanjupu mbuha-nangga.

⁵Màla àruki ka pa-àtalu-ka wàngu malangga welingu la wua angguru, pa-hayandalu-ka wàngu wua àpilu, ba hidu dàngu ba haluputu-nggunya paraï parinju-nya na pangangu eti pakati puhu.

⁶Na lima kalaina na-pakala-nya na katiku-nggu, na lima kawana-na narohu-ka.

⁷Ha dimi bidi kawini Yeruhali, pa-njanjingu-wa, la parongu-da da ruha dàngu da bai hawurungu la marada, ba ndai kuwaru-ya na pa-mbuhangu, hi lundu nahoda-ya.

⁸Patingingu! Nàmunya na wuranggu! Hama tuna ruha jàka ndia bai hawurungu-ya. Ba punduhu - punduhu-na la palindi - palindi, ba linjiku - linjiku-na la tandula - tandula. Tàngaru-ya na-ndolaku la hambeli kangeli, wàngu pa-wilikungu-na matana; na-kahinu welingu la manggawa rii katonga.

¹⁰Patingingu, kareuku-nanya na wuranggu lai nyungga. Maiwa dumu dou i màtaku-nggu duku, dou i tuturu-nggu duku!

¹¹Tàngaru, na wula maringu na-làpahu-ka dàngu na wula urangu mbàda taliu-naka.

¹²Da-hanggebaru-ka da wàla ai la woka; na rehi katoka tàka nanyaka; da pini mbàra parongu-haka la tananda.

¹³Pa-kiringu-danyaka pawua da pingi kapilitu da wàla angguru da-hambungarungu mambii kati. Maiwa, dou i tuturunggu duku, dou i pa-nggajungu-nggu duku.

¹⁴Dou na kulu-ndihanggu-duku, maninggau la njo - njonga watu, la ngia pa-kawiningu la karaha - karaha ma-patulakungu, matàwa ka kuita-ya na matamu, dàngu kurongu-ya na talia liimu, ba na-manandangu na matamu, na-manaüru na talia liimu.

¹⁵Yàpa-hawa ni da ahu rumba, da ana kuku ahu rumba da ma-paruha woka angguru, nadu ba hanggebaru-danya da woka angguru-ma.

¹⁶Na wuranggu mangunggu nyunggaya, tàka nyungga manguna nyunaka, na-pawangu mbimbina la honga wàla mangàta

¹⁷lundu na-hapuputu na ngilu mbaru mawàngga payila-nya na kapàta rudungu. Beliwa, dou i pambuha-nggu duku, hama tuna bai hawurungu, hama tuna ana ruha la ma-palindingu la Mbetiru.