Read Kambera LUDU BOKULU 7 Bible Online

LUDU BOKULU 7 - Kambera bible

LUDU BOKULU 7

¹Dou hiluwuku ma-nggajungu, kanjupu pa-kabàlikungu-ha da wihimu da maningu halapa-da. Na-kawori-da da winjumu beri ngaüha, pa-pandoi tau pandoi.

²Na puhumu hama tuna kaba wai kawori-ya na mambinu mànunya angguru patungu ma-hiritu. Na kambumu beri kanguku uhu nggàndumu-ya, na ma-okangu wàla mangàta.

³Da huhumu beri hama tuna dua ngiu ruhaha, beri ruha ana ndua.

⁴Na nggorumu beri lewatu nggedingu-ya. Da wua matamu hama manandangu kalibuku wai la Hehimbungu-ha, la lihi pindu bokulu Mbàtarambimu. Na urumu hama nggajungu-na na lewatu la Palindi Limbanongu, ma-hanggangu la paraingu Ndamàhiku.

⁵Na katiku-mu beri hama tuna na tandula Kàramilu; na lunggimu na pa-kalipa hama tuna lulu ma-hawunjilu-ya, pa-hawetikungu-ya jiapa na maràmba-mbu.

⁶Kanjupu manandangu pa-nggajungu-kau nyumu, hupu parihi mbuhangu la njonga pa-mangànjilungu.

⁷Na ihimu hama nggajungu pola kuruma-ya, da huhumu jia-haka da ranggu wuana.

⁸Ku-rinjungu paheinya na polana na kuruma, dàngu la pangala-nja da wuana. Màtawa da huhumu ka hama ranggu wua angguru-ha, ka hama hingatu àpilu-ya na kayeku-mu,

⁹ka hama làngga wai angguru-ya na ngarumu! Màtawa ka na-lulungu na angguru hanggangu la wuranggu, ba dàngu nda kambotahu-na; hi nawuda-ya na pangangu eti pakati puhu, ka jiapa la tau da ma-katuda.

¹⁰Nyungga duku na wuranggu mamangu-ngga, nyuna na-mataru-ngga nyungga.

¹¹Dou na panamu-nggu duku, màla talaku la maràda, dàngu ka tatodu la woka la honga wàla ai bidi papa.

¹²Màla ka talua mbaru la woka, ka ta-tàngaru-ha jàka mbàda kapunju-daka da pingi angguru, dàngu jàka mbàda hanggebaru-daka da wàlada; jàka mbàda wàla-daka da njalima. Lai nu kuwua-nggaunya na mbuha-nggunggau.

¹³Da pingi hingatu amu na-hambungaru na wauda, la lihi pindunda ningu wua ai malangga, pambàda pàpu mandai dàngu pabidi pàpu; nuda ku-pahàmu-nggauha, dou na wuranggu duku.