Read Kambera YAHAYA 15 Bible Online

YAHAYA 15 - Kambera bible

YAHAYA 15

¹Yianaya na hupu liina i MIRI rukuna na Muapu. Na paraingu Àru dàngu Kiru mbàda pa-pamolu-manyaka la dalu hau rudungu jua, dàngu na paraingu Muapu na-malinggitu-ka.

²Na mangia-nya la Ndimbungu[25] dahei la palindi pahii ningu la ngia palumu-danja da marapu. Na mangia-nya la Muapu dàngu hawina-da ba dahiinya na paraingu Nembu dàngu Mandemba. Dakikiru-ha da katiku-da dàngu da wulu njerida tandana ba hawina-danya.

³La à - ànda na tau na-panggànangu hinggi karungu tanda hawina-da; la talora dàngu la toku ndidu uma,[26] da-padudurungu dàngu dahii.

⁴Da tau Hehimbungu dàngu da tau Eliali la - ladada, tàka na kaladaku-da parongu-maha lundu la Yahàhu. Jiapa-kingu da tanatara duda nda - ndàndada; na-mbulangu-maaka na kaborangu-da.

⁵Kumila-nya eti na Muapu! Da mangia-nya da-hinggilu-ka la paraingu Huawàru dàngu la Ekulàtu-Helihia. Ninja da ma-kandekalu li la Luhitu dàngu hiida; ningu mapalai la Horunaïmu ba dàngu walangu-da pahii ba nanggàna-ha hanggàmaru.

⁶Na wai Luku Nimirimu dàngu na rumba na matumbu la hingina mbàda màdu marokutu-daka, nda hili ningupa matumbu - matumbu mamuru.

⁷Na tauka napala-yaka na ana luku Haarambimu dàngu da-pamukarungu la pa-pamara-ha mbuu ndàbada da bandada.

⁸La nggi - nggini la padira Muapu tarongu mahii. Na padudurungu-da parongu-ya la Enggulaïmu dàngu la Mbaeri-Elimu.

⁹La Ndimbungu na wai luku narara-ka nadu ba na-pakorungu-ka wai ria. Dàngu i Ala na-patàka-nya na hangia - hangia na mahili rihi mbàringu la tau lai nu. Da tau tobungu da pa-pangàndi-na, napa da-pameti hàlaha da tau Muapu da maluri-kipa.