Read Kambera YAHAYA 23 Bible Online

YAHAYA 23 - Kambera bible

YAHAYA 23

¹Yiana-yaka na lii langu ngerana la Tiruhu. Ha mini tehi - mini tehiku Hapanyulu na ma-njadangu libu muru padudurunguwa! Bai pa-lirungu welingu la Hipuru, mbàda panii-nggaika ba mbàda kabu-naka na paraingu Tiruhu. Na ngia pa-palabungu-mi dàngu da umami jiaha da kanànda-adaka.

²Hii jilungu-wa ha ma-ngiangu la hingi tehiku, mini danggangu Hindungu! Nadu làti bai kàli pa-ngàndingu tau la hapapa tehiku la pakei la pa-danggangu uhu nggàndumu Mehiru dàngu la padangga dànya mbuu ndàbana na banjaru.

⁴Ha paraingu Hindungu, na-mbulangu-ka na mangarangu-mu! Na libu muru nda nawai angu-anggau-pa, “Ndedi ku-handàkangu-a duku pa-paana, ndedi ku-handàkangu pa-kulipu anakeda mini jàka ndia kawini,” wàna.

⁵Màlambu da tau Mehiru da-katàtaku dàngu da-kanggupuku ba darongu-ka na Tiruhu nakabu-ka ba wàda.

⁶Pa-dudurungu-wa, dàngu hinggilu-wa la Hapanyulu, ha ma-ngiangu la hingi tehiku!

⁷Iluya na paraingu-mu na Tiruhu na mambàda ninya weli ndaingu. Jia-yaka yiana yia na paraingu na makàli hanggela hawola? Jia-yaka yiana yia na paraingu na makàli pangàndi-nja da tau la hapapa tehiku la pahimbu lurida?

⁸Màla da mini danggangu-da nda maràmba parihi tembiha la pinu tana? Nggamuka na mapiti botangu la papuha-ya na Tiruhu, na paraingu na marihi kuaha nu?

⁹I MIRI Mahupu-mbiha, Nyuna na mapiti botangu tuna nu. Nyuna na mabota-ya la pa-panjàpu-ya na ngambana na mangia-nya rukuda mbuu ndàbada da pangala-da da pahunggu-da, dàngu hi pawawa-ha da tau patembi la pinu tana.

¹⁰Lakuwa kai ràmaha da wokami, ha ma-mandapu-nya la Hapanyulu, nadu na ngia pa-palabungu mbàda nda ningupa.[33]

¹¹I MIRI na-payalungu limana la pinu tehiku dàngu hi nakilu-nja da pa-hanganji - pa-hanganji. Na-wuangu pareta ka palàru-ha da tindingu Punihia.

¹²Napanii i MIRI, “Ha paraingu Hindungu! Na hawolamu njàpu-nanyaka. Da ma-mandapu-nggau pa-kapidihu-haka. Jiapa ka da-hinggilu-kadu la Hipuru, jia-maya ba nda dangudu,” wàna. (

¹³Nda jia-aya na banjaru Ahuru, tàka na banjaru Mbambilu duna na mapuli-nya na paraingu Tiruhu la banda bohu. Nyuda-mbuduka da ma-pahada-nja da lewatu pa-nggupulu wàngu, na-nyungguru-ha da tindinguna dàngu hi datuya na paraingu panjadi kananda-na.)[34]

¹⁴Pa-dudurungu-wa, ha mini tehi - mini tehiku! Na paraingu na pa-bokulu eti wàmi na-làjaru-ka.

¹⁵Napa natàka na rehina ba maromba-nya na Tiruhu pihu kambulu ndaungu mandaina, hama ndau luri haàtu hanganji. Jàka na-làpahu-ka na rehi nuna, na Tiruhu napa hama jiangu kawini pahunda-ya la ludu yiana:

¹⁶Pitiwa jungga, winggiru-nya na paraingu, ha kawini pahunda maura dedimu na pa-rombangu! Kàritu-yawa na jungga, kau luduki, napa nyumu ka namu belikau.

¹⁷Ba nanjàpu-ka na pihu kambulu ndaungu, napa i MIRI nanamu-ya na Tiruhu dàngu hi na-papeku-ya la palaku-nya na paràma-na àmangu. Napa nyuna nadangga dànja mbuu ndàbada da pa-hanganji la pinu tana.

¹⁸Da pautu-da dàngu da wundada nda da-pahàmu-aha, tàka da-maraku wànja lai MIRI. Da tau da malumu-nya i MIRI napa dawànja nuda da àmahu la pakei wàngu pakida pangada na pa-kalana-da.