Read Kambera YAHAYA 35 Bible Online

YAHAYA 35 - Kambera bible

YAHAYA 35

¹Na maràda telangu dàngu na tana màdu napa da-hawola, da mawàla da-hangge - nggebaru la maràda.

²Na maràda telangu na-hanggebaru ma-rumbingu, dàngu naludu wàngu wili - wiliku hawola. Na manandangu-na hama tuna na palindi Limbanongu, na mangarangu-na hama tuna na lolangu Kàramilu dàngu la Harungu. Nimbihu-na na tau napa naita-ya na kuaha-na i MIRI, dàngu na mangunju-na na Alanda nyuta.

³Pa-kapàru-ya na lima na ma-lamanga, pa-kapànduku-ya na kambàku nda kapànduku.

⁴Paniinya na makudu etina, “Pamàndu-nya na etimu, àmbu mangàdatu, nàmunya na Alamu, mai-nanya pa-pamàna-nggai nyimi,” wàmunya.

⁵La rehi nu na tau poki napa nangita, dàngu na tau kawanga napa peku rongu-naka.

⁶Na ma-kaliparu nakapu - punduhu hama tuna ruha, na tau kambiu nawa - wara mbaha eti. Ba na-tapanjiru na matawai la maràda telangu, ba na-lulungu na luku la maràda wara.

⁷Na wara mbana napa ramuku-yaka, na tana màdu wai jua-yaka. Na ngia pa-engangu ahu rumba làti, napa na-tumbunya tibu hala dàngu pàndangu.

⁸Lai nu napa ninguka ànda bokulu, “Ànda ma-orangu la mànangu,” wàdanya tamuna. Na tau njala napa nda nalia lai nu, na tau nduba nda jia pa-njàrangu-ana tau maliya.[46]

⁹Lai nu napa nda ningu-apa hinga, jàka ndia banda bohu hawiangu-kai. Da tau pa-pamàna-na i MIRI napa dali la ànda nuna.

¹⁰Da tau pa-pamara-na i MIRI napa dabeli; datama-nya na paraingu Yeruhali wàngu paya-aunguda, da-yarahu da matada ruku mbaha eti ma-palupangu. Napa nyuda na-hanggela hawola; na handuka dàngu nahali ura na-yilangu-ka.