Read Kambera YAHAYA 54 Bible Online

YAHAYA 54 - Kambera bible

YAHAYA 54

¹Ha Yeruhali, àmangu hama kawini-mbutakau nyumu na manda peku la pa-paana. Tàka nàhu payaa aunguwa, dàngu ludu hawola-wa! Nadu da anamu ba kanjupu danguha, rihi-nyapa na kawini panda wàru lei.

²Palera-njawa da maü tera ngia pa-ngiangu-mu; pamalai-ha da likuda dàngu pamàndu-nja da kanditiku-da!

³Napa mu-bonjangu pa-lerangu la kawana dàngu la kalai, da ma-mandapu-nggau napa da-mandapu-nja da tanada da banjaru hi dangia-nja da paraingu-da ma-malinggitu kahàna la rehi nàhu.

⁴Àmbu mangàdatu, nyumu napa nda pahili pa-makia-akaupa; nda pa-paakangu-akaupa hiu kamakihu. Napa nyumu mu-maromba-nya na nda tuturu-mu ba bidi taukau; dàngu ndau namu-ayapa na didi mehakau ba kawini meti leikau.

⁵Na ma-padika-nggau beri lei-munyaka, i Ala matua la Ihirailu jiaya na ma-pamàna-nggau. I MIRI Mahupu-mbiha nuya na tamuna, Nyuna Ala ma-kuaha pa-nggubulu awangu-ya.

⁶Ha Ihirailu, nyumu beri bidi kawini papaha-kau na ma-hawina ba na-dunjaku-nya leina. Tàka i Ala napaau beli-nggauka hi napanii tuna yia,

⁷“Ana hambàdiku-ana ba kutuu kajia-kau nyumu; tàka wàngu kanjupu mbuha-nggunggau kupiti belikau.

⁸Ndedi pira mandai-ana ba ku-handaluru-nggau nyumu ruku mbumbaru-na na ma-karaü. Tàka wàngu mbuhangu ma-palupangu ba kumbuha-nggau nyumu,” wàna. Nuya na paniina i Ala ma-pamàna-nggau.

⁹“Hama tuna la rehina i Nuhu ba ku-paràndingu ba nda nahilu lumburu-anyapa iwa obungu na pinu tana, tuna numbu nàhu ba kuràndi-ya ba nda kuhilu mbeni jàka ndia la pahilu pangàdu-nggai nyimi.

¹⁰Jiapa-kai ka da-yoyangu da palindi dàngu da tandula, nda jia jiaka-anggu la pambuha-nggau nyumu. Na pa-njanjingu la pa-papeku na patura-nggu ku-pamàndu-manya duku,” wàna i MIRI na mambuha-nggau nyumu.

¹¹Napanii i MIRI, “Ha Yeruhali paraingu maura dedimu, dira-mamuka dàngu nda ningua ma-panggaüru-kau. Napa kutuu beliha da latamu, wàngu watu ma-pawilingu.

¹²Da tindingu-mu napa ku-pahada wànja watu ndalima, da pindu bokulu-mu kuwànja watu kalilangu, da kangeli-mu kuwànja ma - màtu watu itangu.

¹³Mbuu ndàbada da ma-mandapu-nggau jia-haka da pa-ajaru-nggu, napa nyuda daluri mbokaru daluri peku.

¹⁴Nyumu pa-pahadangu-kau la lata ma-padeningu, pa-pamarau-kau welingu la bàrangu dàngu la ma-pakapidihu.

¹⁵Jàka era ningu ma-kaluluku-nggau, nda Nyungga-a ma-paràha-nya, nggamu biaya na ma-tàndalu-kau jiangu-ma na-hanggubalu.

¹⁶Nyunggama ma-padikangu tukangu bàhi na ma-hailaru epi la patuku madàka. Nyunggama mawulu-ha da panjuri da mawànja nuda da madàka la pa-pameti tau.

¹⁷Na nyuna nimbihu-da da madàka da patuku ka ndubaku-kau nyumu, nda jia luhungu-ada. Dàngu nimbihu-da da pa-panjala wàngukau la hangga ma-patandangu ngera napa mu-wuangu-ma dumu mbuti ba njala-danya. Napa Nyungga kuwua juanja patalu wàngu da atanggu,” nuya napanii-na i MIRI.