Read Kambera YAHAYA 60 Bible Online

YAHAYA 60 - Kambera bible

YAHAYA 60

¹Hadangu-wa dàngu njadiwa harii ha Yeruhali, nadu ba nàmu-nyaka na hariina na mànangu-mu; i Ala na pa-handaraku wànggau mangarangu-na.

²Na pinu tana na-panggàbalu-nya kapàtangu, da ba - banjaru na-palumburu-nja kanjidingu; tàka na nyuna hunga-nanggauka dumu hariina i MIRI, na handaraku-na ba ninya lohangu-nanyaka lai nyumu.

³Dapaju - jurungu da banjaru pamai la hariimu, na-payila eti hanggangu la hanganji - hanganji na handaraku na mahunga-nggau nyumu.

⁴Tàngaru-ya nggàraya na manjadi la winggiru-mu; na-pauhi na rayatu la pabeli lai nyumu. Welingu la mamarau ba damai da anamu mini, da anamu kawini ba wàngu palunggu-ha.

⁵Bau itaya nuna hangàtaru-munyaka hi na-hawelaru na matamu; nyumu mu-maratangu hiu bàkulu eti wànya. Da banda da banjaru-ka dangàndi-ha lai nyumu, da pawulu wàngu welingu la hapapa tehiku da bundu làndangu lai nyumu.

⁶Na tanamu na-karunggi-ya ota dangu, welida la Mindiangu dàngu Epa. Welingu la Heimba nangàndi àmahu rara na tau dàngu kaminyangu, ba dàngu wotu-danya na paraï rukuna i MIRI.

⁷Da mbimbi welingu la Kendàru dangàndi-ha lai nyumu da mbimbi bumbu welingu la Nembayutu pa-payemangu-ha ndumana na lumungu-mu. Nuna na kameti maraku naliya na etina i MIRI na-pahangganggiru-ya na Umana na ma-kanjupu bunjuku.

⁸Nggàraha nàmu ba hama karumangu lindingu-ya hama kulundiha ma-hawurungu ba nabeli?

⁹Kapalu-ha da mamai papuha labuda mangàndi-ha da banjaru-na i Ala mabeli welingu la tana marau. Dangàndi pa-kariangu àmahu marara mabara la pawotu wànya i MIRI Alamu; ndumana i Ala Ihirailu Mahupu-matua, na ma-pawiti-nya hi tembiya na banjaru-na.

¹⁰I MIRI napanii-nya na Yeruhali, “Napa na tau hangàdangu na-pahada belinya na kangeli-mu, dàngu da hanganji dalumu-nggau. Àmangu kuhuku-nggau ba kuhàngga-nggau, tàka nàhu ku-orangu-ka pamila-nggau eti.

¹¹Lodu rudungu da pindu bokulu-mu napa da-tabunggahu, ka peku ngàndi-nggauha nyumu da pawulu ba - banjaru, dàngu da hanganji-da ba tanawangu-ha.

¹²Na banjaru dàngu na pa-hanganji na manda ata lai nyumu, napa na-tàlaru hi namohu molungu.

¹³Da pa-hamemu wàna na omangu Limbanongu pa-palaungu-ha napa lai nyumu nu da ai mbaranga, kajiu dàngu eru ka na-hanggangiru na Umanggu, dàngu ka pa-mananda-nya na lata wihinggu.

¹⁴Da anada da ma-kapidihu-kau damai pa-maràbaku, da ma-paaka-nggau làti napa da-karuduku, ‘Paraingu-na i MIRI’, ‘Hiungu Paraingu-na i Ala matua Ihirailu’ wàdanggau ba datunggau tamumu.

¹⁵Nyumu nda pa-dunjaku dàngu nda pa-paumbi-anggau-pa, nda pa-pahiangu-akaupa pa-malinggitu kahàna. Kutukau pa-hamemu wàngu ma-palupangu, pangia pa-hanggela hawola lundu nu - nu.

¹⁶Napa na-kulipu-kau paraï da banjaru dàngu da hanganji, hama tuna ina ma-kabubulu anana. Ka pi-dumu-nyaka ba Nyungga MIRI, ma-pamàna-nggau, dàngu ba i Ala Ihirailu ma-kapàru ma-pahàla-kau.

¹⁷Nyungga kungàndi àmahu rara hilu wudu, dàngu àmahu bara hilu bàhi. Ku-wuangu wudu hilu ai, dàngu bàhi la pahilu-ha da watu. Na paraimu napa nangudu dàngu na-mànjaku, dàngu pa-pareta wànguya ma-padeningu.

¹⁸Nda hilu ningu-apa lii langu ruku pa-janggilu la tanamu, rukuna na kabu dàngu na tanyungguru la ngaba tanamu. Hama kangeli-ka Nyungga ba ku-katindi-kau napa, dàngu napa muwotu-ngga ba Nyungga ma-pamàna-nggau.

¹⁹Nda nggàra uihi wàngu-apa ka na hariinggau mata lodu la lodu, dàngu nda nggàra uihi wàngu-mbupa ka na hariinggau wulangu la rudungu. Nadu Nyungga, MIRI, jia-makaka ma-handaraku pa-lupangu ndumamu nyumu, ku-paharii wànggaunya na bunjuku-nggu.

²⁰Napa ningu mata lodu manda ana tama ndumamu nyumu, dàngu wulangu manda ana wawa. Nadu ba Nyungga MIRI jia-makaka ma-handaraku pa-lupangu ndumamu nyumu da lodu hawina-mu kanjupungu-danyaka.

²¹Napa jàka da-paluangu limada da ma-mandapu-nggau ma-deningu-maya, napa damangu-nya na tana lundu nu - nu. Hama tuna kahanga pa-kulipu-ha nyuda na pa-pamula wikinggu, ka pawuwa-ya na mangunju-nggu.

²²Jiapa na kuru uma kudu na mangia wawa napa nanjadi-ya banjaru bokulu dàngu ma-kapingatu. Nyungga MIRI, napa ku-paluangu limanggu, la rehi ma-pajàngapungu,” wàna.