Read Kambera PARATU 11 Bible Online

PARATU 11 - Kambera bible

PARATU 11

¹I MIRI nawua-nja i Muha dàngu i Harungu da kalaratu yiada

²ndumana na banjaru Ihirailu. Mbuu ndàbada da banda da maluri la mara da ma-madaü da ma-kahanga wuuda jiaha da mahida dàngu pekuna panganja.

⁴Nda ukua panganja da ota, da palànduku hamangui da kalinji. Da banda nuda manda hidaha nadu jiapa ka da-madaü, tàka da wuuda nda da-kahanga-a.

⁷Nda ukua pangangu wei. Da banda nuda manda hidaha, nadu jiapa ka da-kahanga da wuuda, tàka nda da-madaü-a.

⁸Da toluda da banda nuda nda ukua panganja dàngu àmbu jonggaru-mbuha da metida, ba banda manda hidaha.

⁹Pekuna nyimi panganja da ngara iyangu da maningu bimbungu dàngu nepingu.

¹⁰Da banda da maluri la wai tàka nda ningua bimbu dàngu nepida manda hidaha, jia ba tuna nda ukua panganja, dàngu àmbu jonggaru-mbuha da metida.

¹³Welingu la ma-hawurungu da patiki pa-ndàkingu yiada nda ukua panganja nadu ba manda hidaha: da ranjawali, da wàngi, da ngara ikitu-ka, mbaku, nggangga, ota paruu kàpangu, kahuhu, da kalewaru, da ngara nggokaria, da kahiku, da kuu dàngu da ana panii.

²⁰Mbuu ndàbada da ma-kamàraku maningu ruu kàpangu manda hidaha,

²¹hinggilu-da da ma-kapunduhu.

²²Jia ba tuna da kabala, da njàngakàri da kabala muru pekuna la panganja.

²³Tàka na nyuna hawiangu da ma-kamàraku maningu ruu kàpangu dàngumbu da mabei manda hidaha.

²⁴Na haàtu tau na-ngalangu pa-iraku lundu tama lodu jàka na-jonggaru metina na heu welingu la banda yiada da patiki pa-ndàkingu: da banda maningu wungu, hinggilu-da da ma-kahanga wuuda da ma-madaü, lupa da banda ma-kapatu mbungungu wihi da maningu wàla wuu pa-pakauru wàda. Nggamu na mangàndi meti banda tungu nu lupangu nabaha pakina, na nyuna iraku-mana-nyapa lundu tama lodu.

²⁹Da kalaü tana, da kalaü bokulu, da kalaü kudu da kumbu laï da ngara kapaki, da làndaku, da lawora, da kumbu, da kuka dàngu da kumbu laï hawurungu manda hidaha.

³¹Nggàmu na ma-jonggaru-ha da banda nuda jàka ndia da metida-kai, iraku-nanyaka lundu tama lodu.

³²Na metina na banda nuna jàka na-kanabu la hau malanja, na malanja nuna iraku-nanyaka. Na matungu nu nanggàna ndàbaha, da ngara malanja-ka da ma-welingu la ai, tera, manulangu, karungu-yakai, nda ningua hekangu jàka nggàra linguda nuda da malanja. Da malanja nuda palomu-nja la waima bàdi, tàka na nyuna iraku-mada-nyapa lundu tama lodu.

³³Nuna na meti banda jàka na-kanabu la wuru tana, mbuu ndàbada da maninja daa la wurungu iraku-danyaka, dàngu lupangu bera-maya bàdi nuna na wurungu.

³⁴Da pangangu da panggàna wai welingu la wurungu nuna da-iraku, dàngu na pa-unungu na maninya la wurungu nuna na-iraku-mbu.

³⁵Nggàra biaya na ngia pa-kanabu-na nuna na meti banda, na-iraku-ma. Na ngia pa-manahu wàngu dàngu na ngia patunu wàngu welingu la tana da panggàna-na nuna na meti banda lupangu, bera-maha bàdi.

³⁶Hinggilu-da da mata wai dàngu da humuru-kai, mbuu ndàbada hawiangu da-iraku-ma jàka nanggàna-ha meti ngara ma-kayidiku.

³⁷Jàka na-kanabu la wini pa-hàbarungu nuna na meti banda, pa-daingu ili-mana duna nuna na wini.

³⁸Tàka jàka pa-palomungu la waiya nuna na wini tàka hi na-kanabu-nya nuna jàka nggàraya na mameti, iraku-nanyaka nuna na wini.

³⁹Nggamu ma-jonggaru meti banda da mahida na-iraku lundu tama lodu.

⁴⁰Na tau na mangàndi dàngukai na manganya na meti banda nuna lupangu nabaha-maha bàdi da pakina, tàka na nyuna pa-daingu iraku-manapa lundu tama lodu.

⁴¹Mbuu ndàbada da mabei la tana, da mawàngu pabei, ka ma-kapatu mbungungu wihiha ka madangu wihi-dahakai manda hidaha, nda ukua panganja.

⁴³Àmbu pa-iraku wikimu la pangangu banda matungu nu.

⁴⁴Nyungga MIRI Alamu, jia-duya manggangu ka peku daingu-mi pa-matua, nadu Nyungga ba ku-matua.

⁴⁵Nyungga MIRI mangàndi-kai nyimi paluhu welingu la Mehiru, ka peku Ala-mingga Nyungga. Màtawa kai matua, nadu Nyungga ba ku-matua.

⁴⁶Nudaha da kalaratu rukuda da banda jia-mbuha da ma-hawurungu, da banda da maluri daa la wai dàngu da mabei la tana.

⁴⁷Lupangu-ma bàdi nyimi kai pingu la paheka-nya nggiya na maili dàngu nggiya na ma-iraku, nggiya na banda na mapeku la panganya dàngu nggiya na manda uku la panganya.