Read Kambera PARATU 12 Bible Online

PARATU 12 - Kambera bible

PARATU 12

¹I MIRI nawua-nyaha i Muha da kalaratu yiada

²nduma banjaru Ihirailu. Jàka era ningu haàtu kawini ma-habolangu, anakeda mini, pihu mbua lodu mandaina na-iraku-na nuna na kawini, hama-mana ba talànga tàka-nanya ariyaa-na.

³La lodu pawalu wàna lupangu-ma kàriya na anana.

⁴La hambeli-na nu, tailu kambulu tailu mbua lodu-manapa na iraku-na nuna na kawini, nadu ba ningu-dupa ria maluhu. Nda ukua ka na-jonggaru jàka nggàraha da pawàngu ba lumungu dàngu nda ukua ka natama-nya na Maüna i MIRI lundu na-lundungu na rehina na paili-ya.

⁵Jàka era ningu haàtu kawini ma-habolangu anakeda kawini, hakambulu patu mbua lodu mandaina na iraku-na nuna na kawini, hama-mana ba talànga tàka-nanya ariyaa-na. La hambeli-na nu, nomu kambulu nomu mbua lodu-manapa na iraku-na nuna na kawini, nadu ba ningu-dupa ria maluhu.

⁶Ba na-lundungu-ka na rehina na paili-ya ka la hambeli habolangu-na anakeda mini, ka anakeda kawini-kai, nuna na kawini lupangu nangàndi maraku bàdi la ratu la pindu Maüna i MIRI. Nuna na hunggu maraku, heu ana mbimbi na mahau ndauna nduma kameti maraku patunu, dàngu heu kulundiha kanguraku jàka ndiakai heu mbàra kanguraku nduma kameti maraku jàmangu njala.

⁷Lupanguma na ratu na-huharu-nya nuna na hunggu maraku-na lai MIRI dàngu ka na-paloku-ya na lii ndumana la pa-podahu-ya na iraku-na nuna na kawini, ka naili. Jia-duyaka nuna bàdi na pa-paloku-na na haàtu kawini ba nahàla pa-habola.

⁸Era nda namàka nuna na kawini la paningu ana mbimbingu, lupangu-ma nangàndi dua ngiu kulundiha kanguraku jàka ndiakai mbàra kanguraku: heu nduma kameti maraku patunu tàka na heui nduma kameti maraku jàmangu njala. Lupangu-ma na ratu na-paloku-ya na lii nduma la pa-podahu-ya na iraku-na nuna na kawini, ka naili.