Read Kambera PARATU 14 Bible Online

PARATU 14 - Kambera bible

PARATU 14

²da kalaratu yiada rukuna na lii hawari ba hàla pahàmu welingu la hidu manula ma-pahanggàmaru. La lodu paloha-nya ba ili-nanyaka nuna na tau, lua karia-manya bàdi la ratu,

³tàka na ratu ka nalua karia-nya na tau nuna la hambeli ngia pa-pamaüngu. Jàka mbàda hàmu-naka nuna na tau ba na-pareha-ya,

⁴na ratu ka na-paràha-nya na tau nuna pangàndi dua ngiu ma-hawurungu maluri mahida, dàngu ha-kadipu ai kajuu, ha-walangu liku rara dàngu hapungu karàngga hihupu.

⁵Na heu na ma-hawurungu rupuya la pinu wuru tana na maningu wai kahingirungu welingu la matawai.

⁶Na ma-hawurungu heui, dàngu na ai kajuu, na liku rara dàngu na karàngga hihupu, lupangu-ma hàbuya la ria ma-hawurungu na pambàda rupu.

⁷Na riana na ma-hawurungu nuna màta ka na-paiharu-nya paraïna ratu papihu wundangu la tau nuna na mambàda hàmu, dàngu ka na-paloha-nya ba ili-nanyaka. Tàka na ma-hawurungu na maluri lupangu ka na-pahàla-ya la maràda.

⁸Tunaka nu lupangu-ma nuna na tau ka nabaha-ha da pakina, ka na-kikiru ndàbaya na lunggina, dàngu ka naihu. Nu ili-duna-nyaka, dàngu peku-naka patama la ngia pa-pamaüngu, ba tuna pihu mbua lodu-napa ba nda peku tamana daa la maü wikina.

⁹La lodu papihu wàna lupangu-ma nyuna na-kikiru ndàbaya na lunggina, na ruu njerina, na wuku matana dàngu mbuu ndabàda da wulu ihina. Tunaka nu ka nabaha-ha da pakina, ka naihu. Hina-duka ba hàla patuna nu hi ili-nanya.

¹⁰La lodu pawalu wàna na tau nuna lupangu-ma nangàndi dua ngiu ana mbimbi bumbu, heu ana mbimbi bai mahau ndauda da manda ningu nyurangu. Hinggilu-da nuda, tailu mbua kilu kanguta na pambàda pa-korungu mina haitungu dàngu hau beri tailu litaru mina haitungu.

¹¹Hàla na ratu lupangu-ma na-karia-nya nyuna dàngu da pa-maraku wàna, la pindu Maüna i MIRI.

¹²Na ratu lupangu-ma napiti-ya na heu na ana mbimbi bumbu dàngu hau beri tailu litaru mina haitungu nduma kameti maraku himbalu runggi dàngu ka nawotu-ya ba hunggu maraku pa-jolangu lai MIRI-ha.

¹³Nuna na mbimbi lupangu-ma narupu-ya la hau pangia pa-panudangu nduma ngia parupu banda nduma kameti maraku jàmangu njala dàngu kameti maraku patunu. Nuna na mbimbi rupuya lai numa bàdi nadu na kameti maraku himbalu runggi dàngu kameti maraku jàmangu njala ba kanjupu matua-ha dàngu nduma ratuha.

¹⁴Lupangu-ma na ratu napiti hawutu riana na ana mbimbi nuna ka naperi-nya la hupu wawa kahilu kawana-na, na wua lima bai kawana-na dàngu na wua wihi bai kawana-na nuna na tau na pa-palohangu ba ili-nanyaka.

¹⁵Tunaka nu na ratu ka napiti hawutu mina haitungu nu ka naburi-ya la tàbalu lima kalai wikina.

¹⁶Hàlaka nu ka na-dàtalu-nya na wua lima kawana-na la mina nuna, hàla ka na-paiharu papihu wundanya daa la Maüna i MIRI.

¹⁷Tunaka nu na mina na maninya-pa hawutu la limana lupangu naruhi-nya la mambàda ningu riangu, nu la hupu wawa kahilu kawana-na, la wua lima bai kawana-na dàngu na wua hiwi bai kawana-na nuna na tau pa-palohangu ba ili-nanyaka.

¹⁸Na rihina na mina lupangu-ma naburi-ya la katiku-na na tau nuna. Tuna nu na ratu ba na-paloku-ya na lii hawari ndumana na tau nuna la hanggana i MIRI.

¹⁹Tunaka nu lupangu-ma na ratu nawotu kameti maraku jàmangu njala ka naili nuna na tau na ma-iraku. Hàlaka nu lupangu-ma narupu-ya na banda nduma kameti maraku patunu

²⁰dàngu ka nahunggu maraku paangu-nya na hunggu maraku mangejingu la pinu ngia pawotu maraku. Tuna nu na ratu ba na-paloku-ya na lii hawari ndumana na tau nuna tàka hi naili.

²¹Jàka namila na tau nuna, dàngu ba nda na patoma, pekuna pangàndi heua ana mbimbi bumbua nduma kameti maraku pajolangu lai MIRI. Hinggilu-na nu hau kilu kanguta pa-pakorungu mina haitungu nduma hunggu maraku mangejingu, dàngu hau beri tailu litaru mina haitungu.

²²Lupangu-mbu nangàndi dua ngiu kulundiha kanguraku jàka ndia dua ngia mbara kanguraku-kai: na heu nduma kameti maraku jàmangu njala tàka na heui nduma kameti maraku patunu.

²³Mbuu ndàbada nuda da kameti maraku lupangu-ma nangàndi-ha la ratu la pindu Maüna i MIRI nu la lodu pawalu wàna na lii hawari-ya.

²⁴Na ana mbimbi dàngu mina haitungu nuna lupangu-ma napiti-ha ratu hi nahunggu maraku wànja ba kameti maraku pa-pajolangu lai MIRI-ha, dàngu nduma ratuha.

²⁵Hàla lupangu na ratu narupu-ya nuna na ana mbimbi, hàla hawutu welingu la riana màta ka naperi-nya la hupu wawa kahilu kawana-na, la wua lima bai kawana-na dàngu la wua wihi bai kawana-na na tau na-pa-palohangu ba ili-nanyaka.

²⁶Na ratu lupangu-ma naburi hawutu welingu nuna na mina la lima kalai wikina

²⁷hàla wàngu wua lima kawana-na ka na-paiharu-nya na mina papihu wundangu daa la Maüna i MIRI.

²⁸Tunaka nu na mina na maninya-pa hawutu la limana lupangu-ma naruhi-nya la mambàda ningu riangu, nu la hupu wawa kahilu kawana-na, la wua lima bai kawana-na dàngu la wua wihi bai kawana-na na tau pa-palohangu ba ili-nanyaka.

²⁹Na rihina na mina lupangu naburi-ya la katiku-na nuna na tau ndumana na lii hawari wikina la hanggana i MIRI.

³⁰Tunaka nu lupangu-ma na ratu nahunggu maraku wànya na heu kulundiha kanguraku jàka ndia mbàra kanguraku-kai

³¹nduma kameti maraku jàmangu njala, dàngu na heui nduma kameti maraku patunu papohu-nya na hunggu maraku mangejingu. Tuna nu na ratu ba na-paloku-ya na lii hawari-ya na tau nuna la hanggana i MIRI.

³²Nuya na kalaratu hawari ba hàla pahàmu welingu la panyaki manula ma-pahanggàmaru nduma tau manda patoma lurina.

³³I MIRI nawua-njaha i Muha dàngu i Harungu

³⁴da kalaratu rukuda da uma da panggàna mobu ma-pabonjangu. Da kalaratu yiada jiaha da pawàngu jàka mbàda tama-naka napa na banjaru Ihirailu la tana Kanaàngu, na tana na pawua-nanja napa i MIRI.

³⁵Nggamu mahunggu mamobu la umana, lupangu-ma nalua la ratu papanii-nya na rukuna nuna.

³⁶Ba ndedi namai na ratu pa-pareha-ya na mamobu, lupangu-ma na paràhangu pa-paluhu hàlaha da ngga - nggàra welingu la uma nuna. Jàka nda pa-paluhu-ha, mbuu ndàbada da maninja la uma lai nu napa da-iraku. Hàla lupangu namaima bàdi na ratu

³⁷la pa-pareha-ya nuna na mamobu. Jàka ningu makali - libuku ma-pahada ma-murungu jàka ndia ma-pahada ma-rarangu-kai ba hada na-paturukungu-i la dindi watu ba itaya,

³⁸na ratu lupangu-ma naluhu welingu lai nu la uma, dàngu ka màtanya ba wàngu pakuhi-ya lundu pihu mbua lodu mandaina.

³⁹La lodu papihu wàna lupangu-ma namai beli dàngu ka nahili pareha beliya. Jàka na-bonjangu-maka nuna na mamobu,

⁴⁰lupangu-ma na-wuangu pareta paàli-nja nuda da watu da panggàna mobu, hàla nggubulu-na na dindi watu mbara dalu ka kikiya. Na pakiki na apihu-na dàngu nuda kawai da watu lupangu-ma wàrunja la hau pangia ma-iraku la hambeli paraingu.

⁴¹

⁴²Hàla da watu da pa-àlingu lupangu-ma pahilu-nja watu bidi. Nggubulu-na na dindi watu lupangu apihu wànya apihu mabidi.

⁴³Jàka nahili hunggaru beli na mamobu, làti da watu ba pa-àlingu-madu-haka hi wàrunja, dàngu ba pakiki-madu-haka da dindi watuna tàka hi apihu beliha,

⁴⁴na ratu lupangu-ma nahilu mai beli pa-pareha-ya nuna na uma. Jàka na-bonjangu-maka anguna nuna na mamobu iraku-nanyaka na uma

⁴⁵dàngu lupangu nyànggaru-maya bàdi. Da watu, da ai dàngu mbuu ndàbada da apihu-na lupangu ngàndi-maha bàdi la hambeli paraingu, la pangia ma-iraku.

⁴⁶Ba ndedipa nu, nggamu biaya na matama la uma nuna, na tau nuna na-iraku lundu tama lodu.

⁴⁷Nggamu ma-katuda jàka ndiakai na mangangu la uma nuna lupangu nabaha-maha bàdi da pakina.

⁴⁸Tàka jàka namaika na ratu dàngu pa-namatu-nya na pareha-nanya nda nahili hunggaru-apa na mamobu ba hàla pa-apihu-ya nuna na uma, lupangu-ma na-paloha-nya ba ili-nanyaka nuna na uma, nadu ba mbulangu ailulu-mana-nyaka na mamobu.

⁴⁹Ka hawari-ya nuna na uma, lupangu-ma napiti dua ngiu ma-hawurungu, ai kajuu, liku rara dàngu hau karàngga hihupu na ratu.

⁵⁰Na heu na ma-hawurungu lupangu rupu-maya la pinu wuru tana na maningu wai kahingirungu welingu la matawai.

⁵¹Hàla na ai kajuu, na liku rara, na hihupu dàngu na ma-hawurungu na maluri lupangu-ma hàbuha daa la ria ma-hawurungu na pambàda rupu dàngu daa la wai kahingiru. Hàla na uma nuna ka paiharu-nya papihu wundangu.

⁵²Na ma-hawurungu na maluri lupangu-ma pahàla-ya la maràda la hambeli paraingu. Tuna nu ba hawari-ya na uma, tàka hi naili na uma.

⁵³

⁵⁴Nudaha da kalaratu rukuna na panyaki manula ma-pahanggàmaru,

⁵⁵rukuda da ma-kindilu, da mapongu, da mabara kalibuku, da mambua la ihi dàngu rukuda da mamobu la paki la umakai.

⁵⁶

⁵⁷Na ngia palingu-da nuda da kalaratu jiaya ka pekuna la patàpu-ya jàka nggàraya na maili dàngu jàka nggàraya na ma-iraku.