Read Kambera PARATU 15 Bible Online

PARATU 15 - Kambera bible

PARATU 15

¹I MIRI nawua-nja i Muha dàngu i Harungu da kalaratu yiada

²ndumana na tau Ihirailu. Jàka ningu haàtu mini ruku hidu nda hàmuna ka ningu wai maluhu welingu la pamini wàna, na wai nuna na-iraku,

³nu na maluhu hamanai na manda luhu.

⁴Na ngia pa-mandapu-na jàka ndia na ngia pa-katuda-nakai na-iraku.

⁵Nggamu na ma-jonggaru-ya na tau na maluhu-nya matungu nu jàka ndia na ngia pa-katuda-nakai, jàka ndia na ma-mandapu la ngia pa-mandapu-na, jàka ndia na pa-pangànji-na na tau nuna, lupangu-ma nabaha-ha da pakina dàngu ka naihu; nyuna na-iraku lundu tama lodu.

⁹Na hela jàka ndia nggàra biaya na pa-mandapu-na na tau na maluhu-nya matungu nu, na-iraku.

¹⁰Nggamu na ma-jonggaru jàka nggàraya na pambàda mandapu-na na tau tungu nu, na-iraku lundu tama lodu. Nimbihu-na na tau na madendi-ya nuna lupangu-ma nabaha pakina, dàngu ka naihu, dàngu na-iraku nyuna lundu tama lodu.

¹¹Na tau na maluhu-nya matungu nu ba dàngu nda bahana limana, na tau na pa-jonggaru nu nabaha-ma bàdi pakina dàngu na-iraku lundu tama lodu.

¹²Na wuru tana na pa-jonggaru-na na tau nuna lupangu-ma beraya, dàngu na kanaingu na payàpa-na bahaya bàdi.

¹³Jàka nahàmu-ka na tau nuna, na nedingu pàku bàdi pihu mbua lodu. Hàlaka nu lupangu nabaha-maha bàdi da pakina dàngu ka naihu la matawai, nu ili-duna-nyaka.

¹⁴Na lodu na pawalu wàna lupangu-ma nangàndi dua ngiu kulundiha ma-kanguraku jàka ndia mbàra ma-kanguràku-kai la pindu Maüna i MIRI ka nawua-nya na ratu.

¹⁵Na ratu lupangu-ma nahunggu maraku wànya na heu na ma-hawurungu nduma kameti maraku jàmangu njala, tàka na heui nduma kameti maraku patunu. Nu ba tuna nu na ratu paloku-duna-nyaka na lii hawari-ya na tau nuna la hanggana i MIRI.

¹⁶Na haàtu mini jàka nambungu na wai barana, lupangu-ma naihu, na nyuna pa-daingu iraku-na lundu tama lodu.

¹⁷Nggàra malanja biaya ka hinggiya ka manulangu-ya na panggàna wai bara lupangu bahaha bàdi; da malanja nuda da-iraku lundu tama lodu.

¹⁸Ba hàla pa-paangu, na mini hamanai na kawini lupangu daihu-ma bàdi, nyuda da-iraku lundu tama lodu.

¹⁹Na haàtu na kawini na matàka-nya ariyaa-na, na-iraku lundu pihu mbua lodu. Nggamu na ma-jonggaru-ya na kawini nuna na-iraku lundu tama lodu.

²⁰Nggàra biaya na-pamandapu-na jàka ndiakai na-pakatuda-na nu ba talànga tàka-nanya ariyaa-na na-iraku.

²¹Nggamu na ma-jonggaru-ya na ngia pambàda katuda-na jàka ndiakai na pa-mandapu-na na kawini na ma-talànga tàka-nanya ariyaa-na lupangu nabaha-maha bàdi da pakina dàngu ka naihu, nyuna na-iraku lundu tama lodu.

²⁴Jàka era ningu haàtu tau mini ma-katuda angunya na kawini ma-talànga tàka-nanya ariyaa-na, na mini nuna na-iraku lundu pihu mbua lodu, dàngu na pa-ngiangu na ngia pa-katuda-da na-iraku-mbu.

²⁵Jàka era ningu haàtu kawini ma-njànjaru riana pira mbua lodu la hambeli tàka-nanya ariyaa-na, jàka ndiakai na maria mamànu la hambeli tàka-nanya ariyaa-na na-iraku ba talànga ningupa riana hama-mana hama tuna ba natàka-nya ariyaa-na.

²⁶Na ngia pa-katuda-na jàka ndiakai na ngia pa-mandapu-na ba talànga tuna nu, na-iraku.

²⁷Nggamu ma-jonggaru-ya nuna na pa-ngiangu, na-iraku-mbu. Lupangu-ma nabaha-ha da pakina dàngu ka naihu, nyuna na-iraka lundu tama lodu.

²⁸Ba na-pànjangu-ka na maria, na kawini nuna na-nedingu-mapa bàdi pihu mbua lodu. Hinaka ba hàlaya nuna hi naili.

²⁹La lodu pawalu wàna lupangu-ma nangàndi dua ngiu kulundiha kanguraku jàka ndiakai mbàra kanguraku la ratu la pindu Maüna i MIRI.

³⁰Na ma-hawurungu na heu lupangu-ma hunggu maraku wànya nduma jàmangu njala tàka na heui nduma kameti maraku patunu. Tuna nu na pawàna na ratu ba paloku-ya na lii hawari-ya nuna na kawini la hanggana i MIRI.

³¹I MIRI na-paràha-nya i Muha ka napeka hahanya na banjaru Ihirailu ka daeti wànya jàka pirangu da-iraku dàngu jàka pirangu ba nda da-iraku, ka àmbu da-pairaku-ya na Maüna i MIRI na maninya la padua ngia pa-pamaüngu-da. Nadu jàka da-pairaku-ya nuna na Maü napa dameti.

³²Tuna nu da kalaratu ruku tau mini na maningu ma-njànjarungu ruku hidu nda hàmu jàka ndiakai na mambungu wai barana,

³³rukuna na tau kawini na matàka-nya ariyaa-na, dàngu rukuna na tau mini na ma-katuda angungu kawini na matàka-nya ariyaa-na.