Read Kambera PARATU 27 Bible Online

PARATU 27 - Kambera bible

PARATU 27

¹I MIRI nawua-nya i Muha

²na kalaratu yiana nduma banjaru Ihirailu. Jàka ningu haàtu pawotu ka hunggu maraku lai MIRI-ya nduma la pa-palundu-nya na panjanji na pa-patuki-na pekuna ka papuru beli wànya hau dangu àmahu

³pa-namatu-nya na bilana na pawàngu la Maüna i MIRI: — na marihi welingu la 60 ndaungu: mini 15 àmahu bara kawini & 10 àmahu bara — na ma-20 lundu 60 ndaungu: mini & 50 àmahu bara kawini & 30 àmahu bara — na ma-5 lundu 20 ndaungu: mini & 20 àmahu bara kawini & 10 àmahu bara — na mandedi toma 5 mbua ndaungu: mini & 5 àmahu bara kawini & 3 àmahu bara

⁸Jàka lalu milana na tau ma-panjanjingu la pa-mbayaru-ha da wili pambàda kawuku, lupanguma nalua ngàndiya la ratu nu na tau na pambàda wotu ka hunggu maraku wànya lai MIRI. Na ratu lupangu-ma napeka pawawa-nya wilina pa-namatu-nya na ràka pamàka-na.

⁹Jàka banda mahida-ya nu na panjanji-na na mapeku la pahunggu maraku wànya lai MIRI, nuna na tau ma-panjanjingu àmbu na-pahilu-dunya banda hawiangu, nadu mbuu ndàbada da banda da pahunggu maraku wàngu lai MIRI manguna i MIRI-mahaka. Jàka na-pahilu-manyaipa, mangu ndàbana i MIRI-mahaka nuda da madua ngiuda.

¹¹Tàka jàka na-nggànangu banda manda hida nuna na njanji na manda peku la pa-kataku-ya ka kameti maraku lai MIRI-ya, na tau na ma-panjanjingu lupangu-ma nalua ngàndiya nuna na banda la ratu.

¹²Napa na ratu ka natunya wilina pa-namatu-nya na hadana nuna na banda. Dàngu na wilina na pambàda tàpu, wili ma-padaingu-mayaka.

¹³Jàka na-mbuhangu pa-papuru belinya na bandana nuna na tau, lupanguma na-mbayaru-nya wilina pa-kariangu bonjana dua kambulu la hangahu.

¹⁴Jàka ningu haàtu mahunggu maraku wànya na umana lai MIRI, na ratu ka natàpu-nya wilina pa-namatu-nya na hadana nu na uma. Na wilina na pambàda tàpu, wili ma-padaingu-mayaka.

¹⁵Jàka na-mbuhangu pa-papuru belinya na umana nuna na tau, lupangu-ma na-mbayaru-nya wilina pa-kariangu bonjana dua kambulu la hangahu.

¹⁶Jàka ningu haàtu mahunggu maraku wànya hawiangu na tanana lai MIRI, na wilina lupangu-ma ka tàpuya pa-namatu-nya na danguna na winina na-patondungu la tana nuna. Nduma nimbihu dua kambulu kilu uhu nggàndumu na wilina hakambulu àmahu bara.

¹⁷Jàka nahunggu maraku wànya piti welingu la Ndaungu Pa-belingu, nuna na tana, lupangu-ma na-mbayaru ndàbaha da wilina.

¹⁸Jàka nahunggu maraku wànya la hambeli Ndaungu Pa-belingu nuna na tana, lupangu na ratu natàpu-nya wili nggubulu-na pa-namatu-nya na danguna na ndaungu da mani-i-njapa lundu tomaya na Ndaungu Pa-belingu na ma-pandàkingu, hàla ka natàpu pawawa-nya wilina.

¹⁹Jàka na-mbuhangu pa-papuru belinya na wokana nuna na tau na mahunggu maraku wànya na wokana, lupangu-ma na-mbayaru-nya wilina pa-kariangu bonjana dua kambulu la hangahu.

²⁰Jàka nadangga-nya nuna na woka dàngu ndedi papuru beli-nanya welingu lai MIRI, nda ningu-apa hàkuna la pa-papuru belinya nuna na wokana.

²¹La Ndaungu Pa-belingu na manàmu-nya nuna na woka manguna i MIRI-yaka lundu nu - nu, dàngu nuna pa-wuangu-ha da ratu.

²²Era ningu haàtu tau mahunggu maraku-nya i MIRI hau woka pambàda keina,

²³lupanguma na ratu natàpu-nya wilina pa-namatu-nya na danguna na ndaungu da mani-i-njapa lundu tomaya na Ndaungu Pa-belingu na manàmu-nya. Hàla na tau nuna lupangu-ma na-mbayaru memanya wilina la lodu nunama. Nuda da àmahu manguna i MIRI-ha.

²⁴La Ndaungu Pa-belingu, na woka nuna lupangu-ma pabeli-nya la mamangu-nya jàka ndia la wàla wuana.

²⁵Mbuu ndàbada da wili lupangu-ma padainja pa-namatu-nya na wili na pakàli wàngu la Maüna i MIRI.

²⁶Da banda da ma-kawunga dedi manguna i MIRI-ha, jia ba tuna nda peku wotu-aha nduma hunggu maraku wàngu eti wiki. Ana hapi, ana mbimbi jàka ndia ana kamàmbi-kai da ma-kawunga dedi manguna i MIRI-ha.

²⁷Tàka na nyuna da banda manda hida da ma-kawunga dedi pekuna pa-papuru belinja pa-namatu-nya na wili na pakàli wàngu la Maüna i MIRI pa-kariangu bonjana dua kambulu la hangahu. Tàka jàka nda pa-papuru-nya, pekuna padangga-nya la tau hawiangu nuna na banda pa-namatu-nya na wili pakàli wàngu la Maüna i MIRI.

²⁸Àmbu jia ningudu haàtu madangga-nya jàka ndia ma-papuru belinya jàka nggàraya na pambàda panuda-nanya i MIRI na panda tuna larana,[10] ka tauya, ka bandaya jàka ndia ka tana-yakai. Nuna manguna i MIRI-yaka lundu nu - nu.

²⁹Jiapa ka tauya na pambàda panuda-nanya i MIRI la pa-pamolu-nya, nda ukua pa-papuru belinya; lupangu-ma pa-pameti-ya.

³⁰Na hau la hakambulu welingu la nggubulu ihi tana, ka uhu nggàndumu-ya hamanai da wua ai, manguna i MIRI-ha.

³¹Jàka ningu haàtu ma-mbuhangu pa-papuru belinja nuda hawiangu da ihi tana lupangu-ma na-mbayaru-nja wilida na pambàda pa-daingu pa-kariangu bonjana dua kambulu la hangahu.

³²Na heu welingu la nimbihu hakambulu banda manguna i MIRI-ya. Jàka dihaha da banda, nimbihu-da na heu na pa-hakambulu wàda manguna i MIRI-ha.

³³Na mangu bandangu àmbu napi - pindi-duha jàka nggiha da mahàmu, dàngu jàka nggiha da manda hàmu. Àmbu na-panjepa-mbunja. Jàka na-panjepa-manjaipa mangu ndàbana i MIRI-mahaka nuda da madua ngiuda dàngu nda ukua pa-papuru belinja.

³⁴Nuda-haka da pareta da pawua-na i MIRI lai Muha la pinu Palindi Hinai ndumana na banjaru Ihirailu.