Read Kambera PARATU 9 Bible Online

PARATU 9 - Kambera bible

PARATU 9

¹Pa-làngangu hau lodu ba palundu-nyaka na lii katua, nu la lodu pawalu wàna, i Muha napaau-nya i Harungu dàngu da anana lupa ba hapajia-ha da liku uru la banjaru Ihirailu.

²I Muha napanii-nya i Harungu, “Pitiwa heu kamboka hapi mini dàngu heu mbimbi bumbu, nu ba dua ngiuda àmbu ningudu nyurada. Hunggu maraku wànjawa nuda da banda dua ngiu lai MIRI; na kamboka hapi mini nduma kameti maraku jàmangu njala, tàka na mbimbi bumbu nduma kameti maraku patunu.

³Hàla paràha-nya na banjaru Ihirailu ka nahunggu maraku wàngu heu kamàmbi bumbu nduma kameti maraku jàmangu njala dàngu heu ana hapi pa-karia-nya heu ana mbimbi mahau ndauda nimbihu-da dàngu àmbu ningu nyurada nduma kameti maraku patunu.

⁴Paràha-mbunja ka dahunggu maraku wàngumbu heu hapi mini dàngu heu kamàmbi bumbu nduma kameti maraku papeku. Mbuu ndàbada nuda lupangu-ma dahunggu maraku wànja lai MIRI papohu-nja dàngu hunggu maraku mangejingu na patungu mina, nadu la lodu nàhu ba mai-nanyaka i MIRI lai nyuda,” wànanja.

⁵Mbuu ndàbada da patiki-na i Muha dangàndi-ha la hangga Maü, tàka nggubulu-na na banjaru na-pauhi lai nu la palumu-nya i MIRI.

⁶Ka panii-nanyaka i Muha, “I MIRI na-paràha-nggai la pa-paloku-ya yiana ka peku ita-minya na handaraku ba ninya i MIRI,” wànanja.

⁷Hàla hi napanii-nya i Harungu, “Luawa la ngia pawotu maraku kau pamàtu hahaha da kameti maraku jàmangu njala dàngu kameti maraku patunu, ka peku jàma-nanja i MIRI da njalamu nyumu dàngu da njalana na banjaru. Wànjawa nuda hama tuna na pareta-na i MIRI,” wànanya.

⁸Hàla lua-nanyaka i Harungu la ngia pawotu maraku hi narupu-ya na hapi mini na patuu kameti maraku nduma jàmangu njala la nduma wikina nyuna.

⁹Tunaka nu na riana nuna na banda hi dangàndi-ya paraï da anana i Harungu lai Harungu, hàla nyuna hi nahàbu-ha da wua limana daa la ria, hi nadoha-nja da kadu la patu mbua kabihu-na na ngia pawotu maraku. Hàlaka nu na ria na marihi hi naburi-ya la lata ngia pawotu maraku.

¹⁰Na mbokana, da wua kadalu-na dàngu na hangia na marihi hàmu halawàla welingu la etina nuna na banda hi natunu-ha la pinu ngia pawotu maraku, hama tuna na pareta-na i MIRI lai Muha.

¹¹Tàka na toluna dàngu na manula-na nuna na banda hi natunu-ha la hambeli ngia pa-pamaüngu.

¹²Tunaka nu i Harungu hi narupu-ya na banda na patuu kameti maraku patunu nduma wikina nyuna. Da anana i Harungu dangàndi-ya na riana nuna na banda lai nyuna, hàla hi naburi-ya la patu karaha ngia pawotu maraku.

¹³Hàlaka nu hi dawua-nya na katiku-na dàngu da hangia - hangia da ma-pawelingu la banda nuna, hàla hi natunu-ha la pinu ngia pawotu maraku.

¹⁴Tunaka nu hi nabaha-ha da ihi kambuna dàngu da winjuna hi natunu papohu-nja dàngu kameti maraku patunu la pinu ngia pawotu maraku.

¹⁵Hàlaka nu hi nahunggu maraku wànya na kamàmbi nduma kameti maraku jàmangu njalana na banjaru. Narupu-ya nuna na kamàmbi tàka hi nahunggu maraku wànya hama tuna na kameti maraku nduma jàmangu njala wikina nyuna.

¹⁶Na pandàkingu-na napiti-mbu banda nduma kameti maraku patunu, hi nahunggu maraku wànya tundunya na kalaratu.

¹⁷Hàlaka nu hi nahunggu maraku wànya nahunggu maraku mangejingu; napiti kanguta haupu, tàka hi natunu-ya la pinu ngia pawotu maraku. Nuna jiaya na bonjana la kameti maraku patunu nimbihu lodu.

¹⁸Hàla hi narupu-mbu heu hapi mini dàngu heu mbimbi bumbu nduma kameti maraku papeku ndumana na banjaru. Da anana i Harungu dangàndi-ya na riana nuna na banda lai nyuna, hi naburi-ya la patu karaha ngia pawotu maraku.

¹⁹Da hangia - hangia da maningu mbokangu welingu la hapi dàngu nuna na kamàmbi da-banjalu-ha

²⁰la pinu kakauda nuda da banda dua ngiu, tàka i Harungu hi natunu-ha la pinu ngia pawotu maraku.

²¹Da kakauda dàngu da winju kawana-da nuda da banda nahunggu maraku wànja ba hunggu maraku pa-pajolangu ndumana i MIRI-ha. Nuda nu jiaha da ndumada ba hapajia da ratu hama tuna na pareta-na lai Muha.

²²Ba hàla ndàba-haka pahunggu maraku wànja nuda da kameti maraku, i Harungu na-wulaku-ha da limana la banjaru Ihirailu hi na-pakanyuru-nja. Hàlaka nu puru-nanyaka.

²³Tunaka nu i Muha dàngu i Harungu datama-nya na Maüna i MIRI. Hàlaka nu hi daluhu hi da-pakanyuru-nya na banjaru. Hàla nggubuluna na banjaru Ihirailu hi daita-ya na handaraku ba ninya i MIRI.

²⁴Hi jia papuru bia-nanya na epi i MIRI na matunu pambuta-ha da kameti maraku patunu, dàngu da hangia - hangia da maningu mbokangu la pinu ngia pawotu maraku. Ba daita-yaka nuna paraï banjaru Ihirailu, ka warangu hàla-danyaka, hi da-patika pa-marubuku.