Read Kambera YERIMIA 47 Bible Online

YERIMIA 47 - Kambera bible

YERIMIA 47

¹Ba ndedipa na kaluluku-nya na Nggaha paraïna Hanganji Mehiru, napanii-ngga nyungga i MIRI na ngerana na tana Pilitingu.

²I MIRI napanii, “Tàngaru, na wai na-lulungu weli diangu hi nambinu wuha hama tuna na luku na maiwa ba na-làndahu-nya na tana dàngu ihina, da paraingu pa-kariangu da ma-mandapu-nja. Na tau napa na-kaladaku pakarai pa-ndulangu tàka nggubulu-na na rayatu na-padudurungu.

³Napa nyuda darongu kangguruku njara, lingu tanggihiku kareta, dàngu kanggeriku-da da ndutungu-da. Da mamangu anangu napa da-malijangu ihida hi nda dahilu patanda-mbunjapa da anada.

⁴Toma-mana-nyaka na rehina na banjaru Pilitingu la pa-patàlaru-ya mbuu ndàbana hi lupa nda na-ngalangu pa-ndulangu na Tiruhu dàngu na Hindungu. Napa Nyungga MIRI, ku-patàlaru hàlaya na tau Pilitingu da marihi welingu la Kareta.

⁵Na tau Nggaha napa natuni-ya hawina bokulu; na ma-mandapu-nya na Àhakelungu nda da-kaminya. Lupa pirangu-mapa na tau Pilitingu na marihi ba na-handuka pangalangu?

⁶Nyimi mi-warangu, ‘Lundu pirangu-mapa nyumu bau làndahungu, ha hapanda-na i MIRI? Beliwa la tikumu dàngu pa-engangu-wa lai nu kau kamàndalu!’ wàmi.

⁷Tàka jia peku-nakaka pa-kamàndalu, jàka era pareta-nggunya la pa-kaluluku-nya na Àhakelungu lupa na ma-mandapu la hingi tehiku?” wàna.