Read Kambera PADUDURUNGU 4 Bible Online

PADUDURUNGU 4 - Kambera bible

PADUDURUNGU 4

¹Na àmahu rara ma-kajilaku na-làmangu-ka da watu Uma Ala da-tanyalangu la ànda.

²Àmangu da bidi tau la paraingu Hiungu hama tuna àmahu rara ma-pawilingu-ha, tàka nàhu hama wuru tana ma-ahaka ba iluha.

³Jiapa-kingu da bai ahu rumba da-pahuhu-kadu anada, tàka pàku na banjaru-nggu kanjupu mbana etiya hama tuna kalauki la omangu-ha.

⁴Da ana rara nda pa-pahuhu-aha, hi dameti kandànga. Dakarai pangangu da anakeda, tàka nda ningua mawua-nja.

⁵Da tau da makàli ngangu pangangu mahàmu, dàngu da maluri mbokaru, nàhu dabei pahimbu pangangu la pabundu kangudu, dàngu dameti rimbangu la a - àndaka.

⁶Pa-hukungu-yaka na banjaru-nggu narihi mbotupa welingu la ma-mandapu-nya na Hondumu na mamija la ha-kambàdiku wua mata-a paraï ruku limana i Ala ba dàngu nda ruku lima tau.

⁷Àmangu da liku uruma da-yarahu hama kamba mabara burahu-ha. Nyuda da-kapingatu daparii, da halimu hayàla dàngu da hayandalu.

⁸Tàka nàhu da matada darihi mitingu welingu la kalatu epi palita[3] da-tawàlahu la a - ànda ba dàngu nda ningu ma-ngalangu patanda-ha. Da karukutu la riida da manula-da, hama tuna ai màdu kahàngu.

⁹Nyuda da-mayila dàngu dangeri meti kangilangu, ba nda ningu ndokuma pangangu; da mameti la pabera, darihi utupa welingu la mameti rimbangu.

¹⁰Kanjupu hawiru-ya nuna na tàparu manggàna-ya na banjaru-nggu jiapa-ki da inada da mamàja eti da mahangu kukuda da-manahu-kadu ana wikida nduma ihina na kambuda.

¹¹I MIRI na-hanubuku-nya na hànggana hi natunu-ya na paraingu Hiungu lundu naràpu la tana.

¹²La honga maràmba - maràmba dàngu ma-mandapu-nya na pinu tana nda haàtu-a mawaiya ba peku tama-nanja muhu da pindu bokulu-na na paraingu Yeruhali.

¹³Tàka nuna, mbàda njadi-naka, ruku njalada da ratu dàngu da wunangu. Nyuda mbàda bungu-daka wai ria, da wai ria tau manda njala.

¹⁴Hama tuna tau mapoki ma-lindingu la a - ànda tuda numbu da liku uru la paraingu Yeruhali. Da-marihaku la wai ria da pakida hi lupa nda ningu ma-mbuhangu pa-jonggaru-ha.

¹⁵“Yilangu-kai welingu lai yiahu! Bai iraku nyimi, àmbi ràma kàma nyuma!” wàdanja tau. Ka laku lindingu-danyaka welingu la hau banjaru la hili hau banjaru, tàka nda ningu ndokua ma-pahia-nja pa-engangu.

¹⁶I MIRI nda na-hamata-ayapa na banjaru-na; Nyuna wikima ma-paiha-nggangganja nyuda dàngu ma-pawiti-nja hi nda pa-pawili-nja da ratu; nda ningu-apa mamila-nja eti da liku uru.

¹⁷Danjili-ka da wua matama paraï pakuki, ba nedingu pa-ndulangu mànda tàka ndoku. Ma-monungu pa-ndulangu welingu la hau banjaru, manda ana nggàra ndoku làti pawua-na.

¹⁸Nda peku luhu-ama la ànda, nadu ba naingu kuki-nanggama muhu. Mareni-nanyaka na hupu njàpu lurima, nadu ba toma-naka la diha da lodu lurima.

¹⁹Da makeha-nggama kanjupu renggaha darihi renggapa welingu la mbaku. Dakeha-nggama la palindi, dàngu hi da-pandapu-nggama la maràda telangu.

²⁰Dayàpa-ya na hanganji paleha-na i MIRI, na tau na-pahamela wàma na mawua-nggama luri, dàngu na ma-opangu ba hangganya na muhu.

²¹Ha dimi banjaru Endumu dàngu Uhu, màla miriki-wa, hawola-wa, ba peku-inapa! Napa natàka-mbu na tàparu lai nyimi dàngu ruku maüku-mu napa upa-kalulu wikimu.

²²Na Hiungu mbàda pahàra-nanyaka na-hukungu-na rukuda da njala pawunda-na; nàhu nda namàta-a-nggamapa i MIRI dàngu nda nangàndi-a-kamapa la tanawangu. Tàka nyumu dumu, ha Endumu, napa nahuku-nggau i MIRI. Napa pa-lunggaru-ha da njalamu.