Read Kambera PADUDURUNGU 5 Bible Online

PADUDURUNGU 5 - Kambera bible

PADUDURUNGU 5

¹Namuya, ou MIRI, jàka nggàraya na matàka-nggama. Pa-taraku-nggama mata, dàngu tàngaru-ya na wawama.

²Da banda da-malanja kangeha-ma la lima tauhaka, da umama tau nàmuka mangia-nja.

³Na amama da-pameti-yaka muhu; kawini meti lei-yaka nàhu na inama, dàngu ana mamila-kamaka nyuma.

⁴Wai pa-unungu dàngu ai pa-mutungu lupangu mawàngu pakei-maka bàdi.

⁵Hama tuna banda, ba hàni-kama paràma mambotu, manjili, tàka nda pa-pahia-anggama pa-hangahu.

⁶Malua la Mehiru pakarai ma-milangu, makarai pangangu welingu la Ahuru.

⁷Da bokuma la mangilu dawunda manjala, nàhu mbàda nda ni-anjapa; tàka na nyuna lupangu-maka nyuma ma-pàdangu mayila, rukuda da njalada nyuda.

⁸Da-pareta-kama tau manda rihi welingu la ata; nda ningua mamàka pa-pahàla-kama welingu lai nyuda.

⁹La hambeli paraingu, njadangu padua-danya da ma-pameti tau; nda namara-a na lurima ba talànga himbuma pangangu.

¹⁰Ma-mayila paraï pa-rimbangu, da manula-ma dambana hama tuna mata kalobungu-ha.

¹¹Da kawini la Hiungu patama rumbaku-ha, da ana karia pa-paànga-ha la nde - ndeha la Yahunda.

¹²Da liku uru - liku uruma payàpa-ha hi tiwalu-nja, da ma-kaweda-ma nda pa-mahumbaru-anjapa.

¹³Da bidi minima pahàni-ha la paràma la ngia panggihu, da anakeda mini da-kambitaku-ha ai paduku wàngu lundu dameti widi.

¹⁴Da ama bokulu nda da-pauhi-apa la pindu paraingu, nda parongu-apa malingu pambabu wàngu la kaloka bidi tau.

¹⁵Na-yilangu-ka na-paohangu-ma; pa-pahilungu wàngu wai mata wai wira-haka da renja.

¹⁶Na pa-hamemu wàma mbàda nda ni-anyapa, ma-hanggàmaru ba mbàda njala-maka.

¹⁷Na Palindi Hiungu na malinggitu dàngu pa-dunjakungu-yaka; lai nu da-tanyalangu da ahu rumba. Rukuna nuna dira làjaru-ha da etima, mahii lundu na lamaru hàla ba ma-tàngaru.

¹⁹Tàka Nyumu dumu ou MIRI, pa-daingu kawaha-mamu, lundu nu - nu bau katangu pareta.

²⁰Kanii hi tu-inaka mandaina na dunjaku-munggama? ungalangu ihi pa-maromba pangala-nggama?

²¹Ou MIRI, karia beli-nggamawa lai Nyumu; napa ma belima duma lai Nyumu! Pajia beli-yawa na ngerama hama tuna welingu.

²²Jàka ndia mbàda wàru pangala-mu-nggamaka? Nda ningu-mapa dirana nahàngga-munggama?