Read Kambera YAHAKIALU 10 Bible Online

YAHAKIALU 10 - Kambera bible

YAHAKIALU 10

¹Hàla hi ku-tàngaru la ma-hanggurungu, la dita katiku-da da patau awangu,[18] hi kuita-ya na mahama kanjàka pareta-ya welingu la watu nilamu.

²Hàlaka nu i Ala napanii-nya nuna na tau na mapaki tera linangu, “Tamawa la lumbu ndutungu da maninja la wawada da patau awangu nida, pitiwa hawunggu wàla epi. Hàla hàbaru-nya na wàla epi la paraingu,” wànanya. Nyuna nanunju-ya, tàka nyungga hamata-manggunya.

³Nu ba natama, nu da patau awangu ndolaku-danya mbara luru welingu la Umana i MIRI. Na ha-kalibuku karumangu na-pukangu la hanamba mbara dalu dàngu la Umana i MIRI.

⁴Na handaraku ma-kalilangu na tanda ba ninya i MIRI na-tapanjiru welingu la patau awangu nuda hi na-lelingu la pindu tama Umana i MIRI, hi dira hambila-ya na hanamba-na.

⁵Na lingu kambàraku ruu kàpada nuda da patau awangu lundu la hanamba mbara lua, ba hama talia liina i Ala Hupu Mambiha-ya.

⁶Ba nahàla-ka i MIRI pa-paràha-nya na tau na mapaki tera linangu nuna papiti hawunggu wàla epi welingu la honga ndutungu la wawada nuda da patau awangu, tama-nanyaka nuna na tau hi na-ndolaku la karaha hau ndutungu.

⁷Tàka na haàtu welingu la patau awangu nuda napuhi-ya na limana la epi na maninya la padua-da, naputu hakudu wàla epi, hi nawua-nya nuna na tau mapaki tera linangu. Ka kei-nanyaka paraïna nuna na tau hi nalaku.

⁸La lumbu ruu kàpa nimbihu-da nuda da dika ku-itangu mahama lima tau-iha.

⁹Kuita-mbuha nuda da patau awangu ba ni - ninguma ndutungu-da la lihida haàtu - haàtu. Pa-kapatu-da nuda da ndutungu hama-mada, dàngu da-kalilangu hama watu tawuru manandangu-ha. Nimbihu-da ni - ninguma hili hau ndutungu ma-pandàbarungu la padua-da.

¹¹Ba tuda nu pekuda nuda da patau awangu pa-hanggangu la patu ngia pa-hanggangu. Nyuda peku lakuda la nggi biaya na pambuha-da, dàngu nda pambelingu-da.

¹²Mbuu ndàba da ihida, da kajia-da da limada, da ruu kàpada dàngu da ndutungu-mbu mbinu matada.

¹³Kurongu, “Kuputi ahu” wàdanja nuda da ndutungu.

¹⁴Nimbihu-da nuda da patau awangu pa-patuma matada manda pahama. Na mata na ma-wungangu mata hapi mbàtingu-ya, na padua wàda mata tauya, na patailu wàda mata hingaya, tàka na papatu wàda mata mbaku tehiku-ya

¹⁵Jiaha da patau awangu nuda-maka da paita-nggu la hingi Luku Kembàru. Handàka wàlahu - handàka wàlahu-da ruu kàpada nuda da patau awangu ba dadita hu dita dàngu jàka da-hawuru hanggangu jàka ndia ba da-pànjangu, da-kikungu mànuma nuda da ndutungu, ba da-kawaha-duha paraï da nuda da patau awangu.

¹⁸Hàla na handaraku ma-kalilangu na tanda ba ninya i MIRI na-yilangu welingu la pindu tama Umana i MIRI hi na-lelingu-ya nu la dika maningu ruu kàpangu.

¹⁹Kuita-ha nuda da patau awangu da-wàlahu ruu kàpada hi da-hawurungu welingu la tana tàka da ndutungu kikungu-madanya. Hàla hi da-pànjangu la lihi pindu bokulu Umana i MIRI la pahunga lodu, tàka na handaraku ma-kalilangu pa-daingu-mananya lai nyuda.

²⁰Kunamu-ya ba jia-haka da patau awangu da paita-nggu yia-nana la wawana i Ala Ihirailu la hingi Luku Kembàru.

²¹Nimbihu-da nuda da patau awangu patuda da matada, dua mawangu-da da ruu kàpada, dàngu da mahama lima tau-iha la lumbu ruu kàpada.

²²Da matada[19] da-pahama-mbu dàngu da matada da patau awangu paita-nggu la hingi Luku Kembàru. Nimbihu-da dalaku pa-tàrihungu.