Read Kambera YAHAKIALU 15 Bible Online

YAHAKIALU 15 - Kambera bible

YAHAKIALU 15

¹I MIRI napanii-ngga,

²“Ha dumu tau nda payatangu, nggàraya na rihina na ai pola angguru welingu la ai hawiangu la omangu? Nggàraya na-pangia pinu wàna na pingi angguru welingu la pingi ai - pingi ai hawiangu la omangu?

³Pekuna ka pandoi-ya ngga - nggàra na aina? Pekuna ka tuya ngia pa-tiwalu ka tiwalungu paràma wàngu?

⁴Nda ningua linguna hinggilu-na ba tuya ai pa-mutungu. Tàka jàka da-mutungu ndàbaka da hupuna, dàngu jàka kalatu epiya na padua-na, ningupa-nu linguna?

⁵Ndia-a! Jiapa ba ndedi pamutu-nya nda peku-ana paila wànya. Ri - rihi-maka ba hàla pa-pamutu-nya dàngu ba na-pakehi-yaka epi!” wàna.

⁶Jia ba tuna napanii i MIRI Hupu Majangga, “Hama tuna na pola angguru paohu welingu la omangu hi pamutu-nya, tuna numbu na pawunda-nggunya na mangia-nya na Yeruhali!

⁷Napa kuhuku-nja nyuda. Jiapa ka mbàda luhuda welingu la epi, ba tuna epimai ma-patàlaru-ha nyuda. Ka pi-dimi-nggaka ba MIRI-ka Nyungga.

⁸Nyuda nda da-tuturu lai Nyungga, jia ba tuna, nuna na tana ku-panjadi-ya maràda telangu. Nyungga yia MIRI Hupu Majangga mbàda panii,” wàna.