Read Kambera YAHAKIALU 35 Bible Online

YAHAKIALU 35 - Kambera bible

YAHAKIALU 35

¹Napanii-ngga nyungga i MIRI,

²“Ha dumu tau nda payatangu, ràtu-nyawa na tana Endumu.

³Patàka-njawa da mangia-nya jàka nggàraya na papanii-nggu Nyungga MIRI Hupu Majangga lai nyuda, ‘Nyungga yia muhu-mingga, ha dimi mangia-nya na ma-palindingu la Endumu! Napa ku-pa-malinggitu halawàla-ya na tanami hi nda ningu mangia-nya, tàka da paraingu-mi danjadi tanyungguru watu. Ka pi-dimi-nggaka ba MIRI-ka Nyungga.

⁵Weli àmangu-maka bai muhunya na Ihirailu dàngu bai màtanja ka hambàli-ha la rehi nggàna - naha tàparu ba jiaya na hupu njàpuna na hukungu njalada.

⁶Tuna nu duka, hi kuhara wànya na wikinggu Nyungga, Ala Maluri, MIRI Hupu Majangga, na meti jiaya na urami, dàngu nda peku luhu-ami welingu lai nu. Mbàda bungu-mika[72] wai ria ba tuna mbungu wai riamai mayaulu-kai.

⁷Da paraingu-mi la ma-palindingu Endumu ku-pa-malinggitu-ha dàngu nimbihu-na na tau na mali ningu lai nu ku-pameti-ya.

⁸Napa da palindi ku-pandàda wànja metimi, napa da tandula dàngu da lolangu kupinu wànja ma-hanggubalu la pa-hànjalungu.

⁹Napa na tanami kutuya maràda nggailaru lundu nu - nu, tàka da paraingu-mi nda jia hili ngia-ada-njapa tau. Ka pi-dimi-nggaka ba MIRI-ka Nyungga.

¹⁰Ipanii ba ngabami nyimiya na Yahunda dàngu na Ihirailu hamangui na tanada, dàngu ba mangu-minja napa, jiapa-kai Nyungga, MIRI, ba Alada nyudaka.

¹¹Jia ba tuna, ku-harangu wànya na wikinggu Nyungga, Ala maluri, MIRI Hupu Majangga, napa ku-pabelingu kiringu lai nyimi, rukuna bai hàngga, bai pakilitungu dàngu bai karaü-nya eti na banjaru-nggu. Napa nyuda dapinya ba rukuna na pawunda-mi lai nyuda hi kuhuku-nggai nyimi.

¹²Ka pi-dimi-nyaka ba mbàda rongu-ngguka bai paakangu: Mbàda malinggitu halawàla-daka da palindi Ihirailu dàngu pa-jàmangu-haka lai nyuta ka tauhu limanja, ba wàmi bai panii.

¹³Ha dimi tau Endumu, ibàkulu ngarumi dàngu ipanii wàngu ngànjangu-mi hanggangu lai Nyungga. Mbàda rongu ndàba-ngguhaka nuda.

¹⁴Kupanii Nyungga, MIRI Hupu Majangga: Napa nambaha eti nggubulu-na na pinu tana la rehi tunggunya maràda malinggitu halawàla nggubulu-na na tanami,

¹⁵hama tuna bai mbaha eti nyimi bai itaya malinggitu halawàla-na na Ihirailu na mangunggu. Da palindi Heyiru, hamangui nggubulu-na na tana Endumu da-malinggitu halawàla. Ka pi-ndàba-nanggaka tau ba MIRI-ka Nyungga,’ ” wàna.