Read Kambera DIHA 1 Bible Online

DIHA 1 - Kambera bible

DIHA 1

¹La tànggalu hau la wulangu dàmbu la padàmbu wàna na ndaungu ba dahàla pa-taliuru-nya na tana Mehiru na banjaru Ihirailu, i MIRI napanii-nya i Muha daa la Maüna i MIRI la maràda telangu Hinai,

²“Lupangu-ka bàdi nyumu dàngu i Harungu kai dihaya nggubulu-na na banjaru Ihirailu, pa-namatu-nya na kalibaru dàngu na biliku-da nimbihu-da. Pandoi ndàbanja huratu tamuda da tau mini

³da madua kambulu-da da ndaungu lurida lupa na marihi welingu lai nu da mapeku patama la ndihi tanatara. Lupangu-ma pa-namatu-nya na pambada nimbihu-da ba tuha la huratu tamuda.

⁴Welingu la nimbihu kabihu, karai haàtu liku uru kalibaru ka da-pambapa dànggai, nyimi,” wàna.

⁵Yiada-ha da tamuda da tau papindi welingu la banjaru la pa-pambapa-dànja i Muha dàngu i Harungu dàngu da manjadi liku uru la nimbihu kabihu: [Kabihu] — [Liku uru] Rumbingu — i Elihuru anana i Handiuru Hamiungu — i Halumialu anana i Hurihandai Yahunda — i Nahahungu anana i Aminandàpu Ihakàru — i Netaneyilu anana i Huaru Hembulungu — i Eliapu anana i Helungu Epuraïmu — i Elihama anana i Amihutu Manahi — i Nggamalialu anana i Pandahuru Mbanyamingu — i Ambindàngu anana i Nggindioni Ndàngu — i Ahiyehiru anana i Amihandai Ahiaru — i Panggialu anana i Okuràngu Nggàtu — i Eliyahàpu anana i Rehuilu Nàputali — i Ahira anana i Enàngu.

¹⁷Ba wàngu pa-mbapangu-da nuda da tau hakambulu madua i Muha dàngu i Harungu

¹⁸na-paràha-nya pa-pauhi mbuu ndàbana na banjaru la tànggalu hau wulangu padàmbu wàna hi tulihu-ya na ndalaru dedida pa-namatu-nya na kalibaru la nimbihu kabihu-da. Mbuu ndàbana na mini na madua kambulu-ndauna na ndaungu lurida lupa na marihi-ka pa-tulihu dàngu padiha-ha,

¹⁹hama tuna na pareta pambàda wuana i MIRI. Mbuu ndàbada yiada na-paloku-ha la maràda telangu Hinai i Muha.

²⁰Da tau mini da madua kambulu ndauda na ndaungu lurida lupa da marihi-ka da mapeku panjadi tanatara, pa-tulihu-ha da tamuda pa-namatu-nya na kalibaru dàngu na biliku-da, piti welingu lai Rumbingu, kawunga anana i Yakupu lupa i Nàputali. Na danguda tuna yia: [Kabihu] — [Na danguna na tau] Rumbingu — 46.500-ya Hamiungu — 59.300-ya Nggàtu — 45.650-ya Yahunda — 74.600-ya Ihakàru — 54.400-ya Hembulungu — 57.400-ya Epuraïmu — 40.500-ya Manahi — 32.200-ya Mbanyamingu — 35.400-ya Ndàngu — 62.700-ya Ahiaru — 41.500-ya Nàputali — 53.400-ya — Nggubulu-da: 603.550-ha

⁴⁷Da tau Lewi nda pa-tulihu papohu-anja dàngu da kabihu hawiangu,

⁴⁸nadu ba mbàda panii-naka i MIRI lai Muha,

⁴⁹“Jàkau tulihu-ha da tamuda da tau da ma-ngalangu panjadi tanatara, àmbu tulihu-duya na kabihu Lewi.

⁵⁰Paràha-nja ka da paloku-ya na Maünggu dàngu mbuu ndàbada da pamàtu wàna. Na wai ngerada nyuda jiaya la paduku-ya na Maünggu dàngu da pamàtu wàna dàngu ka da-àhalu-ya. Lupangu-ma nyuda ka dawulu maüda la winggiru-na.

⁵¹Jàka lelingu-minya lupangu da tau Lewi nuda-maka da ma-weharu-ya na Maünggu, tàka hi hili pahada-nya la nimbihu pangia ngia pa-pamaüngu mabidi. Hinggilu-da nyuda, jiapa ka nggamu-yakai na malihi-nya nuna na Maü lupangu-ma pa-hukungu metiya.

⁵²Da tau Ihirailu hawiangu lupangu-ma da pahada pa-kalibarungu maüda, nimbihu-na na tau la kali - libaru-mana duna maràngga la winggiru-na na penjida-mada.

⁵³Tàka da tau Lewi lupangu-ma da-pahadangu maüda la winggiru-na na Maünggu. Lupangu-ma bàdi dadaiya ka àmbu ningu tau malihi-nya, hi na-pawiti-nya na hàngganggu dàngu hi kuhuku-nya na banjaru Ihirailu,” wàna.

⁵⁴Ka pahàra-danjaka tau Ihirailu mbuu ndàbana na pareta-na i MIRI lai Muha.