Read Kambera DIHA 2 Bible Online

DIHA 2 - Kambera bible

DIHA 2

¹I MIRI napanii-nya i Muha dàngu i Harungu,

²“Ba na-pahadangu ngia pa-pamaüngu na tau Ihirailu, nimbihu-na na tau lupangu-ma nawulu maüna la winggiru penji juru-mana dàngu na tanda kalibaru-mana duna. Nggubulu-na na ngia pa-pamaüngu lupangu-ma ka wuluya la winggiru-na na Maünggu, tàka na-harangu maraunya hakudu,” wàna.

³La pahunga lodu, na pamba na ma-pakiri la penji juru Yahunda lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pa-ndàkingu-da: [Kabihu] — [Liku Uru] — [Na danguna na tau] Yahunda — i Nahahungu anana i Aminandàpu — 74.600-ya Ihakàru — i Netaneyilu anana i Huaru — 54.400-ya Hembulungu — i Eliapu anana i Helungu — 57.400-ya — Nggubulu-da: — 186.400-ha Na juru Yahunda lupangu-ma na-hadangu mangilu.

¹⁰La mbara luru, na pamba na ma-pakiri la penji juru Rumbingu, lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pandàkingu-da: [Kabihu] — [Liku Uru] — [Na danguna na tau] Rumbingu — i Elihuru anana i Handiuru — 46.500-ya Hamiungu — i Halumialu anana i Hurihandai — 59.300-ya Nggàtu — i Eliyahàpu anana i Rehuilu — 45.650-ya — Nggubulu-da: — 151.450-ha Na juru Rumbingu lupangu-ma na-hadangu la padua juru wàda.

¹⁷Hàlaka nu, la padua pamba Ihirailu nggubulu-na nalaku na kabihu Lewi ba dàngu duku-danya na Maüna i MIRI. Hama tuna ba da-pamaüngu tuna numbu na lakuda, nimbihu-da la pangia-mada duda tundu-nya na penji-mada.

¹⁸La patama lodu, na pamba na ma-pakiri la penji juru Epuraïmu lupangu-ma da-pahadangu maüda pa-namatu-nya na pamba dàngu na liku uru-mada nimbihu-da, ba tuna yia na pa-ndàkingu-da: [Kabihu] — [Liku Uru] — [Na danguna na tau] Epuraïmu — i Elihama anana i Amihutu — 40.500-ya Manahi — i Nggamalialu anana i Pandahuru — 32.200-ya Mbanyamingu — i Ambindàngu anana i Nggindioni — 35.400-ya — Nggubulu-da: — 108.100-ha Na juru Epuraïmu lupangu-ma nalaku la ndutuna na kabihu Lewi.

²⁵La mbara dia, na pamba na ma-pakiri la penji juru Ndàngu lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pandàkingu-da: [Kabihu] — [Liku Uru] — [Na danguna na tau] Ndàngu — i Ahiyehiru anana i Amihandai — 62.700-ya Ahiaru — i Panggialu anana i Okuràngu — 41.500-ya Nàputali — i Ahira anana i Enàngu — 53.400-ya — Nggubulu-da: — 157.600-ha Na juru Ndàngu na-hadangu pa-malamiri dehingu.

³²Nggubulu-na na banjaru Ihirailu na pambàda tulihu la ju - juruna pa-namatu-nya na pambada nimbihu-da, 603.550-ha danguda.

³³Hama tuna na pareta-na i MIRI na pambàda paniinya i Muha, nda pa-tulihu pa-papohu-anja da tau Lewi la tau Ihirailu hawiangu.

³⁴Ka pahàra-danjaka tau Ihirailu mbuu ndàbana na pareta-na i MIRI lai Muha. Nimbihu-da da pa-maüngu la winggiru penji-mada duda, dàngu ba da-hadangu da-panamatangu la kalibaru dàngu la biliku-mada duda.