Read Kambera DIHA 26 Bible Online

DIHA 26 - Kambera bible

DIHA 26

¹Ba na-làpahu-ka na tàparu napanii i MIRI lai Muha dàngu i Eliahàru, anana i Harungu,

²“Lupangu-ma nyimi ipaloku-ya na diha la nggubulu banjaru Ihirailu pa-namatu-nya na kali - libaru-mana. Mbuu ndàbana na tau mini na madua kambulu ndaungu lurina, jàka ndia na marihi-kai na mapeku patama la ndihi tanatara, lupangu-ma tulihu-ya,” wàna.

³I Muha dàngu i Eliahàru da-pahàra-nya nuna na pareta. Dapaau ndàbanya na mini na madua kambulu ndaungu lurina dàngu na marihi-kai, hi da-pauhi-nja la ma-ndidaru Muapu, la hapapa Luku Yorundangu la lihi paraingu Yeriku. Yiada jiaha da tau da maluhu welingu la tana Mehiru:

⁴

⁵Welingu la kabihu Rumbingu, kawunga anana i Yakupu: Kalibaru Henuku, Palu,

⁶Hehirungu dàngu Kàrami.

⁷Da tau mini la kalibaru yiada 43.730-ha nggubulu-da.

⁸Na anana i Palu jiaya i Eliapu.

⁹Tàka da anana i Eliapu jiaha i Nemuilu, i Ndatàngu dàngu i Ambiràmu. Jiaha i Ndatàngu dàngu i Ambiràmu, yiada-maka da pambàda pindi banjaru, na nyuna da-pambulungu dàngu da makiku-nya i Kora la pa-ndubaku-ya i Muha dàngu i Harungu dàngu la palawa-nya i MIRI.

¹⁰Ka tawanggahu-nanyaka na tana hi nahoba-ha nyuda, hi dameti anguda, i Kora dàngu da makiku-nya ba na-patàlaru-ha epi da 250 tau mini. Nuna nu jiaya na pa-panamu wànya na banjaru Ihirailu.

¹¹Na nyuna da anana i Kora nda pa-pameti kariangu-aha.

¹²Welingu la kabihu Hamiungu: Kalibaru Nemuilu, Yamingu, Yakingu,

¹³Heràhu dàngu Haulu.

¹⁴Da tau mini la kalibaru yiada 22.200-ha nggubulu-da.

¹⁵Welingu la kabihu Nggàtu: Kalibaru Hepungu, Hanggi, Huni,

¹⁶Ohuni, Eri,

¹⁷Arutu dàngu Areli.

¹⁸Da tau mini la kalibaru yiada 40.500-ha nggubulu-da.

¹⁹Welingu la kabihu Yahunda: Kalibaru Hiyela, Perihu, Heràhu, Hehirungu dàngu Hamulu. Da tau madua da anana i Yahunda, nu i Eru dàngu i Onàngu, mbàda meti-daka la tana Kanaàngu.

²⁰

²¹

²²Da tau mini la kalibaru yiada 76.500-ha nggubulu-da.

²³Welingu la kabihu Ihakàru: Kalibaru Tola, Pua,

²⁴Yahupu dàngu Himurungu.

²⁵Da tau mini la kalibaru yiada 64.300-ha nggubulu-da.

²⁶Welingu la kabihu Hembulungu: Kalibaru Heritu, Elungu dàngu Yàhaleyilu.

²⁷Da tau mini la kalibaru yiada 60.500-ha nggubulu-da.

²⁸Welingu lai Yuhupu, na ma-anangu tau madua anakeda mini: Kabihu Manahi dàngu kabihu Epuraïmu.

²⁹Welingu la kabihu Manahi: I Makiru anana i Manahi, jiaya na amana i Nggiliatu; tàka da kalibaru ma-pandàkingu yiada jiaha da ana umbuku-na i Nggiliatu:

³⁰Kalibaru Iyehiru, Heliku,

³¹Àharialu, Hekimu,

³²Haminda dàngu Hepiru.

³³I Helapehàtu anana i Hepiru, nda ningua anana mini, mbulungu anakeda kawini-aha. Da tamuda jiaha i Màhala, i Nua, i Hòkula, i Miluka dàngu i Tiràhu.

³⁴Da tau mini la kalibaru yiada 52.700-ha nggubulu-da.

³⁵Welingu la kabihu Epuraïmu: Kalibaru Hutela, Mbikiru dàngu Tahàngu.

³⁶Na kalibaru Eràngu jiaha da anana umbuku-na i Hutela.

³⁷Da tau mini la kalibaru yiada 32.500-ha nggubulu-da. Nudaha da kalibaru ana umbuku-na i Yuhupu.

³⁸Welingu la kabihu Mbanyamingu: Kalibaru Mbela, Àhambilu, Ahiràmu,

³⁹Hapupàmu dàngu Hopàmu.

⁴⁰Da kalibaru Aritu dàngu Naamàngu jiaha da ana umbuku-na i Mbela.

⁴¹Da tau mini la kalibaru yiada 45.600-ha nggubulu-da.

⁴²Welingu la kabihu Ndàngu: Kalibaru Huhamu.

⁴³Da tau mini la kalibaru yiana 64.400-ha nggubulu-da.

⁴⁴Welingu la kabihu Ahiaru: Kalibaru Yimuna, Yiwihu dàngu Mbiria.

⁴⁵Da kalibaru Hembiru dàngu Màlakialu jiaha da ana umbuku-na i Mbiria.

⁴⁶I Ahiaru haàtu-na na anana kawini na ma-tamungu Hera.

⁴⁷Da tau mini la kalibaru yiada 53.400-ha nggubulu-da.

⁴⁸Welingu la kabihu Nàputali: Kalibaru Yaheyilu, Ngguni,

⁴⁹Yehiru dàngu Hilimu.

⁵⁰Da tau mini la kalibaru yiada 45.400-ha nggubulu-da.

⁵¹Nggubulu mbuu ndàbada da tau mini Ihirailu 601.730-ha.

⁵²Napanii i MIRI lai Muha,

⁵³“Pabe - beri-nyawa nuna na tana la kabihu - kabihu banjaru Ihirailu pa-namatu-nya na bokulu-na na nimbihu kabihu.

⁵⁴Na pawàngu ba pa-beringu tana jiaya ba wàngu patunja undi. Na kabihu na ma-bokulu wuanya ma-bokulu-ma bàdi, tàka na kabihu na makudu wuanya makudu,” wàna.

⁵⁵

⁵⁶

⁵⁷Na kabihu Lewi jiaha da kalibaru Nggerihongu, Kehàtu dàngu Marari.

⁵⁸La ana umbuku da nyuda jia mbuha da kalibaru Lipuni, Hemburungu, Màhali, Muhi dàngu Kora. I Kehàtu jiaya na amana i Àmuràmu.

⁵⁹I Àmuràmu napaha-ya i Yòkuhembitu anana i Lewi. I Yòkuhembitu dedina la Mehiru. I Àmuràmu dàngu i Yòkuhembitu tau madua-ha da anada mini: i Harungu dàngu i Muha dàngu haàtu-na na anada kawini, nu i Miriyàmu.

⁶⁰Tau mapatu-ha da anana mini i Harungu, nu i Nandàpu, i Ambihu, i Eliahàru dàngu i Itamàru.

⁶¹I Nandàpu dàngu i Ambihu dameti-ha ba talànga hunggu maraku wànguda epi panda mbuhana i Ala.

⁶²Da tau mini la kabihu Lewi da mahau wulada jàka ndia da marihi-kai 23.000-ha nggubulu-da. Nyuda pa-hekangu-ha welingu la angu banjaru-da ba tulihu-ha, nadu ba nda pa-wuangu-ha tana kangeha la Ihirailu.

⁶³Tuna nuduka na huratu pa-pandoi-da i Muha dàngu i Eliahàru rukuda da kalibaru Ihirailu ba da-paloku-ya na diha la ma-ndidaru Muapu la hapapa Luku Yorundangu la lihi paraingu Yeriku.

⁶⁴Welingu la tau da pa-tulihu-da i Muha dàngu i Harungu la maràda telangu Hinai nda haàtu-mbupa maluri.

⁶⁵Mbàda panii-naka i MIRI, ba dameti ndàba napa nyuda la maràda telangu tàka deningu-mana ba dameti nyuda mbuu ndàbada, hinggiluda i Kalipu anana i Yapuni dàngu i Yuhua anana i Nungu.