Read Kambera DIHA 29 Bible Online

DIHA 29 - Kambera bible

DIHA 29

¹La tànggalu hau wulangu pihu lupangu-ma ipauhi kai lumungu, dàngu àmbi ràmadu paràma mambotu. La lodu nu lupangu-ma palingu-ha da taropitu.

²Wotuwa lai MIRI kameti maraku patunu heu hapi mini, heu mbimbi bumbu, dàngu pihu ngiu ana mbimbi bumbu mahau ndauda, nimbihu-da àmbu ningudu nyurada. Na wau hiritu-da nuda da kameti maraku naliya na etina i MIRI.

³Wotu-mbuha da hunggu maraku pa-karuhi, nu da kanguta, pa-haürungu mina haitungu: tailu mbua kilu ndumana na hapi mini, dàmbu kilu ndumana na mbimbi bumbu,

⁴dàngu hau kilu nduma nimbihu-da da ana mbimbi.

⁵Wotumbu heu kamàmbi bumbu ka kameti maraku jàmangu njalaya. Tuna nu na pawàngu bai wundaya na lii podahu njala ndumana na banjaru.

⁶Yiada da hunggu maraku jiaha da ndàpilu kameti maraku patunu da pawotu pa-kariangu dàngu hunggu maraku mangejingu-na, la tànggalu hau nimbihu wulangu. Dàngu jia-mbuha da ndàpilu kameti maraku patunu nimbihu lodu da pawotu pa-kariangu dàngu hunggu maraku mangejingu dàngu hunggu maraku wai angguru-na. Na wau hiritu-da nuda da hunggu maraku patunu naliya na etina i MIRI.

⁷La tànggalu hakambulu wulangu pihu lupangu-ma ipauhi kai lumungu. Lupangu-ma ipuaha la lodu nuna dàngu àmbi ràmadu.

⁸Wotuwa lai MIRI kameti maraku patunu heu kamboka hapi mini, heu mbimbi bumbu dàngu pihu ngiu ana mbimbi mbumbu mahau ndauda, nimbihu-da àmbu ningudu nyurada. Na wau hiritu-da nuda da kameti maraku naliya na etina i MIRI.

⁹Wotu-hawa da hunggu maraku mangejingu pa-karuhi, nu da kanguta pa-haürungu mina haitungu: tailu mbua kilu ndumana na hapi mini, dàmbu kilu ndumana na mbimbi bumbu,

¹⁰dàngu hau kilu nduma nimbihu-da da ana mbimbi.

¹¹Wotumbu heu kamàmbi bumbu nduma lii podahu njalana na banjaru hinggilu-da da kameti maraku jàmangu njala dàngu da kameti maraku patunu nimbihu lodu pa-kariangu hunggu maraku mangejingu dàngu na hunggu maraku wai angguru-na da pawotu la lodu nuna.

¹²La tànggalu hakambulu lima wulangu pihu lupangu-ma ipauhi kai lumungu, dàngu àmbi ràmadu paràma mambotu. Pihu mbua lodu mandaina bàdi bai wunda mbabu ka tembi wànya i MIRI.

¹³La lodu kawunga-na, wotuwa lai MIRI kameti maraku patunu ba jiaha da hakambulu tailu ngiu kamboka hapi mini, dua ngiu kamboka mbimbi bumbu dàngu hakambulu patu ngiu ana mbimbi bumbu mahau ndauda, nimbihu-da àmbu ningudu nyurada. Na wau hiritu-da nuda da hunggu maraku naliya na etina i MIRI.

¹⁴Wotu-mbuha da hunggu maraku mangejingu pa-karuhi kanguta pa-haürungu mina haitungu: tailu mbua kilu nduma nimbihu-da da hapi mini, dàmbu kilu nduma nimbihu-da da mbimbi bumbu,

¹⁵dàngu hau kilu nduma nimbihu-da da ana mbimbi. Karia-da nuda da hunggu maraku mangejingu, lupangu wotu-mbuha bàdi da hunggu maraku wai angguru da pawàngu.

¹⁶Hinggilu-da nuda, wotumbu heu kamàmbi bumbu ka kameti maraku jàmangu njalaya. Nuna na kameti maraku, jiaya na ndàpilu kameti maraku nimbihu lodu dàngu na hunggu maraku mangejingu dàngu hunggu maraku wai angguru-na.

¹⁷La lodu padàmbu wàna hunggu marakungu-wa hakambulu dua ngiu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

¹⁸Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

²⁰La lodu patailu wàna hunggu marakungu-wa hakambulu heu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

²¹Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

²³La lodu papatu wàna hunggu marakungu-wa hakambulu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

²⁴Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

²⁶La lodu palima wàna hunggu marakungu-wa hiwa ngiu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

²⁷Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

²⁹La lodu panomu wàna hunggu marakungu-wa walu ngiu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

³⁰Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

³²La lodu papihu wàna hunggu marakungu-wa pihu ngiu kamboka hapi mini, dua ngiu mbimbi bumbu, dàngu hakambulu patu ngiu ana mbimbi bumbu mahau ndauda, nimbihu-da manda ningu nyurangu-ha.

³³Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

³⁵La lodu pawalu wàna lupangu-ma ipauhi kai lumungu dàngu àmbi ràmadu paràma mambotu.

³⁶Wotuwa lai MIRI kameti maraku patunu heu kamboka hapi mini, heu mbimbi bumbu, dàngu pihu ngiu ana mbimbi bumbu mahau ndauda, nimbihu-da manda ningu nyurangu-ha. Na wau hiritu-da nuda da kameti maraku naliya na etina i MIRI.

³⁷Hunggu maraku pa-karia-njawa nuda, mbuu ndàbada da hunggu maraku hawiangu da pawàngu la lodu kawunga-na.

³⁹Nudaha da kalaratu rukuda da kameti maraku patunu, da hunggu maraku mangejingu, da hunggu maraku wai angguru, dàngu da hunggu maraku papeku ba lupangu-ma ihunggu maraku-nja lai MIRI la mba - mbabumi da pambàda kawuku. Nuda da kameti maraku jiaha da ndàpilu-da da kameti maraku da pawotu-mi nduma pa-mbayaru wàngu paràkingu-mi jàka ndia da kameti maraku pawàngu eti wikimi.

⁴⁰Ka patàka-nanjaka la banjaru Ihirailu i Muha, mbuu ndàbada da papanii-nanya i MIRI la hupu liina.