Read Kambera DIHA 34 Bible Online

DIHA 34 - Kambera bible

DIHA 34

¹I MIRI nawua-ha lai Muha

²da pareta yiada nduma banjaru Ihirailu, “Nda nggi tuu-anapa mandaina, tama-minyaka napa na tana Kanaàngu, na tana pawua-nggunggai nyimi ka tana kangeha-minya. Tuna nu da padira-na nu na tana.

³La mbara luru, na padira na-pakiringu welingu la maràda telangu Njingu na-pipitu la padira-na na Endumu. La pahunga lodu na padira na-pakiringu welingu la hupu mbara luruna na Tehiku Meti,

⁴hi namangu pa-wikitungu hu luru hanggangu la Ànda Àkurambimu hi na-pangalangu la Njingu lundu hu luruya la Kandihu-Mbarania. Welingu lai nu na-wikitungu hanggangu la patama lodu na nyuna na-paharitungu hu dia lundu la Hahàru-Andàru, dàngu na-pangalangu la Àhumungu.

⁵Lai nu na-wikitu hanggangu la lolangu la padira-na na Mehiru, hi mangupa la Tehiku Padua-ya na hupuna.

⁶Na Tehiku Padua jiaya na padira tanami la patama lodu.

⁷Mbara dia, na padira na-pakiringu la Tehiku Padua hanggangu la Palindi Hòru

⁸dàngu welingu lai nu hanggangu la Ànda Hamàtu, hi namangu pa-pangalangu la Hendàtu,

⁹dàngu la Hipurungu hi la Hahàru-Enàngu-ya na hupuna.

¹⁰La pahunga lodu na padira na pa-kiringu welingu la Hahàru-Enàngu hanggangu la Hepàmu.

¹¹Welingu lai nu na-kamburungu la Ripula la pahunga loduna na Aïngu, hi namangu pa-pangalangu la tandula - tandula la hingi pahunga loduna na Tehiku Nggalilia,

¹²hi namangu pa-hanggangu hu luru namatu-ya na Luku Yorundangu lundu la Tehiku Meti. Nunaya na tanami pa-namatu-nja da padira la winggiru-na,” wàna.

¹³Ka panii-nanyaka na banjaru Ihirailu i Muha, “Yiana duyaka na tana na pangala-mi napa ba wàngu patunya undi, na tana pa-paberingu la hiwa paradua kabihu Ihirailu ba wàna i MIRI la hupu liina.

¹⁴Da kabihu Rumbingu dàngu Nggàtu dàngu na beri mandua-na na kabihu Manahi mbàda ngalangu-daka ndumada dàngu mbàda pabe - beri-danyaka nuna na tana la bi - biliku-da nyuda.

¹⁵Na tana kangeha-da nyuda la pahunga loduna na Luku Yorundangu-ya, la lihina na paraingu Yeriku,” wànanja.

¹⁶I MIRI napanii-nya i Muha,

¹⁷“Jiaha i Ratu Eliahàru dàngu i Yuhua anana i Nunguma bàdi da ma-paberi-nya na tana lai nyimi.

¹⁸Patuji-mbu haàtu liku uru welingu nimbihu kabihu la pa-pambapa-danja i Eliahàru dàngu i Yuhua ba pabe - berinya na tana,” wàna.

¹⁹Da tamuda nuda da tau jiaha: [Kabihu] — [Liku Uru] Yunda — i Kalipu anana i Yapuni Hamiungu — i Hamuilu anana i Amihutu Mbanyamingu — i Elindàtu anana i Kihilongu Ndàngu — i Mbuki anana i Yòkuli Manahi — i Hanialu anana i Eputu Epuraïmu — i Kamuilu anana i Hiputàngu Hembulungu — i Elihapàngu anana i Parana Ihakàru — i Pàlatialu anana i Ahàngu Ahiaru — i Ahihutu anana i Helomi Nàputali — i Pandaïlu anana i Amihutu

²⁹Nudaha da tau da pawua-na pareta i MIRI la pa-paberi-nya na tana kangeha-na na banjaru Ihirailu la tana Kanaàngu.