Read Kambera MIKA 3 Bible Online

MIKA 3 - Kambera bible

MIKA 3

¹Irongu, ha dimi maningu kawahangu la Ihirailu! Làti lupangu-ma bàdi ipinya jàka nggàraya na mamola,

²tàka huda ni biami-nyai na mahàmu, dàngu hi imbuhanya na ma-akatu. Indina ka-miripu-nya na banjaru-nggu, tàka hi ihiraya na toluna welingu la rina.

³Inganya na banjaru-nggu. Iba - bàriku-ya na manula-na tàka ipamija-ha da rina. Iya - yàluha nyuda hama tuna ba yàlu tolungu patuu la wurungu.

⁴Napa natàka na rehina bai kaladaku pakarai pa-ndulangu lai MIRI, tàka Nyuna nda nabihu-a pahema. Nda nabihu-a napa pa-patingi-nja da hamayangu-mi, ba mbàda wunda-mika ma-akatu.

⁵Na banjaru-nggu na-panyonga-ha paraï da wunangu da ma-manyurangu mahàmu la tau na ma-wuangu àmahu, tàka damuhu-nya dàngu nda da-kawela-nya na tau na manda wuangu. La wunangu da matuda nu, napanii i MIRI,

⁶“Ha dimi wunangu, mareni njàpu-ama-naka na rehimi; tama-nanyaka na lodumi. Ndai hili ngalangu-apa harii mata mabowa-ya da pa-pakaka hahanggu. Nda jia peku-amipa pa-manyura ana ngga - nggàra,” wànanja.

⁷Da tau da manyura-ya na lodu na manàmu-nya napa da-makia ba nda na-tubangu na manyura-da. Napa nyuda mbuu ndàbada pa-pawawa-ha ba nda nahema-ha paraïna i Ala.

⁸Tàka jàka jiaya na wikinggu nyungga, mbàda paihi-nanggaka duku Ngahuna dàngu kawaha-na i MIRI. Nawua-ngga la pa-jàngapu-ya rukuna na mola, dàngu nawua-ngga tara ura la papeka-nja njalada da pambàda wundada da tau Ihirailu.

⁹Rongu-hawa da papanii-nggu, ha dimi maningu kawahangu la Ihirailu mahuda etinya na mola dàngu na ma-panjànga-nya na ma-padeningu.

¹⁰Nyimi mi-pahada-nya na Yeruhali, na paraingu-na i Ala, la lata pameti tau dàngu la manda mola.

¹¹Da maningu kawahangu la paraingu da-pareta, ka ngalangu wàngu àmahu pawua pa-runungu, da ratu da-papekangu rukuna na uku, ka ngalangu wàngu nggaji, tàka da wunangu dakarai ngerangu welingu lai Ala ka ngalangu wàngu àmahu — dàngu dakaka-ya ba na-karaha-ha nyuda paraïna i MIRI. Dapanii, “I MIRI ninya la pahiku-nda nyuta; nda jia nggàna-ananda ura mila,” wàda.

¹²Rukuna na akatu-mu nuna, napa pa-kabànda wokanya na Hiungu, na Yeruhali napa nanjadi-ya pabundu watu tanyungguru, tàka na tandula Umana i MIRI nanjadi-ya jemi pa-wukungu.