Read Kambera HAKARIA 1 Bible Online

HAKARIA 1 - Kambera bible

HAKARIA 1

¹La wulangu la pawalu wàna la ndaungu padàmbu wàna na pareta-nanya na Perihia i Hanganji Ndariu, na-patàka-nya yiana na lii langu i MIRI lai nyungga, Wunangu Hakaria anana i Mberikia umbuku-na i Indu.

²Na-paboru-ngga i MIRI papanii tuna yia la banjaru-na, “La rehi na ma-làpahu, kanjupu hàngga-nggunja Nyungga, MIRI Hupu Mambiha, da boku la mangilu-mi.

³Tàka nàhu kupanii-nggai nyimi: Beliwa lai Nyungga ka kubeli-mbui duku Nyungga lai nyimi.

⁴Àmbu hama tuna da boku la mangilu-mi. Ba hapa jiaha da wunangu-nggu la handàka-na da-patàka-nja lii langu ka àmbu dahili wunda ma-akatu dàngu ka àmbu dahili njala. Na nyuna nda da-kawelangu-a dàngu nda dabihu-a, pa-karadaku lai Nyungga.

⁵Nggiha ka nàhu, da boku la mangilu-mi dàngu da wunangu? Nda ni-anjapa.

⁶La ngaruda nuda da wunangu ba hapajia-ha da atanggu, ku-patàka-nja da hupu lii-nggu dàngu da pa-panàmu wànggunja da boku la mangilu-mi. Tàka nda da-wàrihu-aha hi lupa daita-ya na injana. Hàla hi da-halaera dàngu dapeka, ba Nyungga MIRI Hupu Mambiha, mambàda hukunja nyuda tuda limbana na njalada, dàngu nunjuya na pa-hukutu-nggu, wàmu,” wànangga.

⁷La tànggalu dua kambulu patu, Wulangu Hembàtu, nu na wulangu hakambulu hau la ndaungu padàmbu wàna na pareta-na i Hanganji Ndariu, na-patàka-ngganya na lii languna i MIRI. La hau harii mata la rudungu,

⁸ku-itangu papalewa-na i MIRI ma-kaliti heu njara rara. Na-pànjangu la hau lolangu la njonga pingi muratu. La kajia-na nyuna ndolaku-da padua ba nda pira ngiuda da njara hawiangu, ningu marara, marara wàla dàngu mabara.

⁹Ku-paàra-nya, “Umbu, nggàraya na ihina yiada da njara mbuu ndàbada?” wànggunya. Nahema nyuna, “Napa ku-paita-nggaunya na ihina.

¹⁰Pa-paràha-na i MIRI-ha pa-hàlatu-ya na pinu tana,” wàna.

¹¹Mbuu ndàbada nuda da njara dapanii-nya na papalewa, “Mbàda njada-manyaka na pinu tana nggubulu-na, ma-itaya ba mandangu dàngu mambiru paku-ananya,” wàda.

¹²Hàla hi napanii na papalewa, “Ou MIRI Hupu Mambiha, pihu kambulu ndaungu mandaina bau hàngganya na Yeruhali dàngu da paraingu Yahunda. Lundu pirangu-mapa bau pa-daingu pambeni dàngu ba ndau jàmanja njalada?” wàna.

¹³Nawàngu kareuku omba eti i MIRI ba nahema-ya na papalewa,

¹⁴hi na-paràha-ngga na papalewa pa-patàka-nya nuna na papanii-na i MIRI Hupu Mambiha, “Kanjupu mbuha-nggunya dàngu kutuu etiya na paraingu Yeruhali, na paraingu matua-nggu.

¹⁵Na nyuna kanjupu-ya na hàngganggu la banjaru ma-pàdangu mandangu dàngu mambiru-na. Nadu ba talànga nàdi-nggunya na hàngganggu la banjaru-nggu, dabonja-ya na mayila banjaru-nggu paraï da nu da banjaru.

¹⁶Nàhu beli-nggunyaka la Yeruhali pawua-nya jàmangu njala nuna na paraingu. Napa pa-pahada belingu-ya na Umanggu dàngu pahili pahàmu beliya na Yeruhali,” wàna.

¹⁷Na-paràha-ngga paraïna papalewa pa-patàka-mbunya yiana na lii langu, “Na-panjanjingu i MIRI Hupu Mambiha ba da-mbokaru beli da paraingu-na dàngu nahili ndula-yapa na Yeruhali dàngu la papeka-ya ba mangu wiki-nanya,” wàmu wànangga.

¹⁸La hili hau harii mata, ku-itangu patu kadu hapi.

¹⁹Ku-paàra-nya na papalewa na mambàda panii dàngga, “Nggàra-yaka duna na ihida nida da kadu?” wànggu. Nahema, “Nida da kadu jiaha da ninu maüda da pa-hanganji ma-kapingatu da mapai - ihanja da ma-ngiangu la Yahunda, Ihirailu dàngu Yeruhali,” wàna.

²⁰Hàla hi na-paita-nggaha i MIRI da mini pandoi bàhi mangàndi tukulu bàhi.

²¹Ku-paàrangu, “Nggàraya na pamai wàda?” wànggu. Nahema, “Pa-àjiru-nja dàngu pa-kunggulu-nja da banjaru da mambàda pa-karunggutu-ya na Yahunda da mapai - ihanja da mangia-nya,” wàna.