Read Kambera HAKARIA 10 Bible Online

HAKARIA 10 - Kambera bible

HAKARIA 10

¹Jàka jia-yaka na wula pa-kameli ruu ai, karaiwa urangu lai MIRI. Ka pa-uhingu-nanyaka karumangu panggumungu i MIRI, hi na-papurungu ura kawalu hi damuru da wo - woka dàngu da-hayandalu nduma mbuu ndàba da tau.

²Dakarai pa-itangu ngera la marapu na tau, dàngu la hapajia-ha da tau ma-manyura, tàka nahema na pangala-da ma-kambàliku dàngu ma-kakòlulu ju - juaya. Ningu ma-pahabolangu manggadipangu, tàka na kalokangu-da panjàra-danggai nyimi-ma-a dàngu nda ningua ihina na omba eti pawua-da. Tuna nuduka hi na-paiha mbimbingu na rayatu. Da-mangonangu ba nda ningu liku uruda.

³Napanii i MIRI, “Kanjupu mbenika la maningu kawahangu da ma-pareta-ya na banjaru-nggu, hi kuhuku-nja napa. Na nyuna da ma-ngiangu la Yahunda jiaha da mangunggu, tàka napa Nyungga, MIRI Hupu Mambiha ku-kabubulu-ha nyuda. Napa kutuha njara pabera rihi talu ndumanggu.

⁴Welingu lai nyuda napa kupindi maningu kawahangu, liku uru, mini la ngora ma-pareta-ya napa na banjaru-nggu,”[12] wàna.

⁵Napa datalu da mangia-nya na Yahunda hama tuna da mini mbeni hanggangu mataro - rohaku muhu beri kapihaku la ànda. Napa dambeni hanggangu rukuna ba kundula-ha Nyungga, MIRI dàngu da-pakàku ndàbaha napa da pamba muhu ma-kaliti njara.

⁶“Napa ku-paàtalu-ha da mangia-nya na Yahunda, napa ku-pamàna-nya na banjaru Ihirailu. Ku-karia belinja la tanada rukuna ba kunamu-ha nyuda. Napa ku-palua-nja lima hama tuna banjaru pandedi jukaru ndokunggu. Nyungga-maka Alada nyuda, napa kuhili tanaü-ha mbuu ndàba da hamayangu-da.

⁷Hama mini mbeni hanggangu ma-kapàru-ya na Ihirailu, hama tuna tau ma-unungu angguru-ha napa ba da-hawola. Da ana umbuku-da welingu la handàdiku lundu la handàdiku nda jia maromba-adanya yiana na talu pawua-nggunja. Napa dambàha eti da riki mata rukuna na pawunda-nggunja nyuda.

⁸Napa kupaau-nya na banjaru-nggu hi ku-pambulu-nja. Ku-pamara-ha dàngu ku-paworu-ha hama tuna la handàka-na.

⁹Jiapa-kai ku-patanyala-nja la honga ba - banjaru, pa-daingu namu-dangga lai nu. Napa da-malundungu, hamangui da anada hi dabeli pa-kariangu napa la tanada.

¹⁰Napa ku-karia belinja welingu la Mehiru dàngu la Ahuru. Ku-bànjalu-ha la tana wikida. Ku-karia-nja la Nggiliatu dàngu la Limbanongu-mbu, hi dapinu ndàbaya na tanada.

¹¹Jàka dapala la tehiku kalutu, napa Nyungga MIRI, ku-nyàbaru-ha da ngalingu; na lukuna na Luku Nilu namàdu marokutu. Napa ku-pawawa-ya na banjaru Ahuru na ma-ngànjangu, dàngu napa na kawaha-na na Mehiru rihi talu na-molungu.

¹²Na banjaru-nggu ku-pakapàru-ya napa, napa da-karadaku dàngu da-lumungga Nyungga. Nyungga MIRI, mambàda panii,” wàna.